حكاية فنان يستغيث من تجاهل المنتجين والمخرجين: أعمل إيه علشان اشتغل؟ (فيديو)

أعرب الفنان وائل علي، عن حزنه الشديد لتجاهل المنتجين والمخرجين له، وعدم الاستعانة به في أعمالهم الفنية، مما تسبب في وجوده دون عمل منذ فترة طويلة.

وقال وائل علي، في مداخلة هاتفية مع الإعلامي سيد علي، ببرنامج 'حضرة المواطن'، على قناة 'الحدث اليوم': 'المشكلة اللي عندي وعند كتير من زمايلي، أعضاء نقابة المهن التمثيلية، وفنانين كتير للأسف، إننا بقالنا فترة طويلة مبنشتغلش، قاعدين في البيت، وطبعا فيه مجموعة معينة هي اللي بتشتغل في كل الأعمال، وناس أفضل مني مبيشتغلوش، كل اللي عملته كتبت على فيسبوك، أقسم بالله أنا مهنتي في البطاقة ممثل فالواحد يعمل إيه عشان يشتغل'.

وتابع وائل قائلا عن أسباب هذه الظاهرة: 'والله أنا كوائل معرفش السبب، والمشكلة دي مش على الممثلين، بس لكن فيه مخرجين، وناس كتير مواهب مش شغالة، اللي بيشتغل فيه، زينا أعضاء نقابة، وفيه نسب تصريح، والمفروض في كل عمل 10%، تصاريح و90% أعضاء، وفيه أعمال طبعا أحيانا بيبقى فيها أكتر من نسبة الـ10 % بتاع التصاريح، وكل اللي بيحصل في الحالة دي المنتج بيدفع عنهم غرامات'.