اعلان
اعلان

تامر حسني يوجه رسالة لطلاب مصر "ثقوا في نفسكوا وخلوا يقينكم بالله أقوى شيء"

تامر حسني
تامر حسني

عبر الفنان تامر حسني، عن فرحته عبر حسابه الرسمي بموقع التواصل الاجتماعي 'فيس بوك'، حيث شارك فيديو لمشروع تخرج مجموعة شباب على أغنية طول عمرنا أقوى من الأيام.

وعلق تامر، قائلًا: 'فرحة عمري لما شباب عظيم من شباب مصر الواعد يستوحي مشروع تخرجه أو يقتدي بأغنية ليا زي الموضوع فيك او مش تمثال او قد التحدي والله والله وأنا بعمل الأغاني دي كانت دي نيتي إنها تتحس ويتعمل بيها مش تتسمع بس والحمدلله اللي طلبته من ربنا حصل عشان اللي بيطلع من القلب بيوصل للقلب مبروك شباب مصر العظيم، يارب حياة جديدة كلها خير ونجاح وطموح لا ينقطع، ربنا يفرح أهاليكم بيكم انتوا أملنا وانتوا النماذج المشرفة الحقيقية'.

وتابع تامر،: 'الحقيقة اتطلب مني كلمه اقولها للشباب اللي بيتخرجوا بس أنا كدا كدا كنت هكتب لكل شبابنا مش اللي بيتخرج بس بكتب لينا كلنا، اكتروا وخلوا ايديكم في ايد بعض، هفضل اقولها مفيش حل غير انك تنجح لما بتنجح كل الناس بتقدرك واللي مكانش فاهمك ومصدقك بيصدقك وبيحترمك، لما بتنجح بتبقى قوي و مرغوب فيك ، لما بتنجح ربنا بيحبك وبيستخدمك عشان تنفع غيرك'.

وطلب تامر من الشباب:'يا شباب يا جميل متبخلوش على بعض بالنصيحة و الكلمة الطيبة وفعل الخير أي فكر شرير مهما كان كتير لازم يلاقي قصاده فكر خير أكبر واكتر عشان ننهض ببلدنا و نسلمها لأولادنا احسن من ما كانت في زمنا هي دي رسالتنا كبشر وكل حد فينا مادام بيصحى من النوم بيلاقي نفسه لسه عايش لازم يعرف انه لسه مطلوب منه مهام في الدنيا لازم يعملها و يفرح ان ربنا مديله وقت وعمر يحقق فيه ومهما كانت الصعاب انت لازم تبقى بطل قصة حياتك'.

وأضاف: 'عمركم سمعتوا عن بطل معندوش معاناة؟! مستحيل، المعاناة دي اللي هتصنع منك راجل قد المسؤليه وهتبقى بسببها بطل في قصة حياتك ومش عيب تبدأ من الصفر ياما ناس بدأت من تحت الصفر ووصلوا لأكتر من أحلامهم انتوا كمان هتوصلوا'.

واختتم: 'ثقوا في نفسكوا وخلوا يقينكم بالله أقوى شيء، صراع الدنيا صراع يقيني، صدق نفسك انت تقدر وانتي تقدري، يعلم ربنا أنا بحبكوا أد إيه ونفسي اشوف شباب الوطن كله ناجح وفرحان ومفرح أهله، مبروك يا أمل مصر'.

WhatsApp
Telegram
إقرأ أيضاً