المشرف العام على التحرير داليا عماد
اعلان

تامر حسين يهاجم شاكوش بسبب حماقي: كلامه مستفز

أهل مصر
تامر حسين
تامر حسين

هاجم الشاعر تامر حسين، مطرب المهرجانات الشعبية حسن شاكوش، بعد التصريحات الأخيرة التي أدلي بها، بشأن سرقة لحن أغنية "حاجة مستخبية"، للفنان حماقي، واستخدامه في أغنية "بنت الجيران" الشهيرة.

وقال شاكوش إن لحن "حاجة مستخبية" مسروق من لحن تركي.

ونشر تامر حسين تعليقا عبر حسابه الرسمي على "فيسبوك" يقول: "الحقيقة مُستفز جداً كلام مطرب المهرجانات حسن شاكوش، تصريحاته في برنامج الأستاذ عمرو أديب، غير موفقه تماما من الناحية الأدبية، وذوقيات المهنة والجهل بالمعلومة والتدليس، اللي بيعمله للمُشاهِد، اللي مايعرفش حقيقة لحن بنت الجيران، اللي مِن الحان ملحن شاب مصري (مدين)".

وأضاف: "الراجل تم التعاقد معاه رسميا، من شركة في تركيا، بُمُقابل مالي نظير استخدام لحن حاجة مِستخبية، اللي خلالك شأن وشهرك، وكان سبب رزق ليك، عيب تِنكر الحقيقة، وتضلل الجمهور اللي يجهل المعلومة".

وأكمل: "الراجل ماسرقش لحن حاجة مستخبية دا من إبداعه، ودا تعدي على حقه الأدبي، وممكن يقاضيك، وياخُد تعويض على إساءتك وجهلك بالمعلومة".

وتابع: "ثانيا.. شتان الفرق الشاسع بينك وبين نجم كبير زي محمد حماقي، فنياً وأدبياً وثقافياً وذوقياً، من حيث المحتوى والمضمون وسيبك من الزمن اللي إحنا فيه، وتدني الذوق العام، وإعلانات اليوتيوب الممولة اللي خليتك تطلع تقول أغنية محمد حماقي جايبة ١٦ مليون مُشاهدة، بطريقه سخيفة مِنك.. وكأنك مايكل جاكسون".

وأضاف حسين: "هتعدى السنين وهتشوف اللي حايعيش حاجه مِستخبيه والا أغنيتك اللي لولا نجاح أغنية محمد حماقي وتوصيلها ل أكبر قدر من الجمهور ما كانتشي اغنيتك إتشهرت ع الجاهز الراجلِ ساهم في نجاحها فا ذوقياً تشكره وتتكلم ب أسلوب أرقى مِن كده على ناس كانوا سبب في نجاح ورزق ليك وماحدش جّرح فيك كُلهم دعموكم عشان تاكلوا عيش وتنجحوا وأهاليكم وحبايبكم يفرحوا بيكم والراجل أقدم مِنك وأشهر مِنك يبقى تقدره وتتكلم بشكل مُنصف".

وواصل: ثالثاً صُناع الأغنية المُبدعين المُبتكرين الشاعر المبدع محمد عاطف والملحن المُبدع صاحب اللحن الأصلي اللى إتاخد فى تركيا للنشر بُمقابل مالي والموزع الكبير أحمد ابراهيم".

وأتم الشاعر تامر حسين: "دول ناس يستحقوا الشُكر فى العلن مش تشوية وتقليل من قدر أغنيتهم اللى نجحت جداً ف سنة نزولها وكانت أنجح أغانى السنه وأتمنى من الإعلام والسادة المسؤلين عن إختيار الضيف يصدروا للمُجتمع حاجات وطاقات حلوة مُبهجه مُستنيرة وعندها قدر من الوعى والاحترام والتقدير والذوقيات بلاش إحباط الله يخليكم مش حايبقى كرة وفن حافظوا على ما تبقىّ".

عاجل
عاجل
فريد الديب يعلن تقديم الطعن على حكم إعدام قاتل نيرة أشرف هذا الأسبوع.. رسميًا