تصدرت النجمة دينا الشربيني، تريند جوجل وتويتر، بعد حلقتها المميزة في برنامج ABtalks، الذي كشفت فيه الكثير من تفاصيل حياتها الشخصية، منذ الطفولة وحتى الوقت الحالي، كما أجابت عن الكثير من الأسئلة المتعلقة، بالوحدة، والموت، الأصدقاء، والأهل، الكذب، والخيانة.
وكشفت دينا الشربيني عن كواليس دخولها عالم التمثيل، قائلة: "لازم الواحد يحاول ويجرب ويعرف.. أهلي مرضيوش يدخلوني معهد السينما، فأخدت كورسات تمثيل، ودخلت إعلام، واشتغلت مذيعة، وعرفت الكاميرا، وإزاي مخافش منها".
وعن مفهومها عن القوة، قالت: "خد وقت لما تقع أو تنكسر، لكن لازم تكون قوي وتعرف تقوم مرة تانية.. هو دا مفهوم القوة بالنسبة لي"، أما عن الحب فقالت: "أنا بحب الحب، بحب الإحساس نفسه، وبشوفه إحساس جميل، لكن في النهاية ممكن يوجع في الآخر"، كما أكدت أنها لا تشعر بالندم، مضيفة: "مبحبش الندم.. ممكن اتعلم من اللي حصل، عشان لو رجعت تاني لنفس الموقف ونفس الوقت هعمله تاني"، كما صرّحت بأنها تكره الكذب والخيانة، وأنهما شيئان لا يمكن أن تسامح فيهما.
وقالت دينا الشربيني إنها لا تحب الرد على الشائعات، موضحة: "أنا في حياتي بسيب اللي بيتكلم يتكلم، ومش باخرج أكدّب وأقول إن دا مش حقيقي.. مش عايزة أقعد أركز في كلام الناس، وأسيب الناس اللي فارقالي اللي هما أهلي وأصحابي".
وعن أسعد لحظاتها قالت: "وقوفي على المسرح، كان من أحسن الحاجات اللي حسيتها في حياتي، فرحة وأدرينالين خلاني اسأل أنا ليه مجربتش مسرح قبل كدا".
وأجابت دينا الشربيني عن أكثر ما تخاف منه قائلة: "بخاف من الوحدة والموت"، كما وجهت رسالة لأهلها قائلة: "عايزة أقول لأهلي إن أنا بحبهم جدًا جدًا، وهما أغلى حاجة في حياتي، ولازم نقول كدا لكل اللي بنحبهم، عشان هييجي وقت هنتمنى لو ترجع نص ثانية نقضيها معاهم"، وعن كلماتها الأخيرة للجميع قالت: "سامحوني وادعولي".
تابعوا آخر أهل مصر على Google News
