أكرم حسني يرد علي اتهامه بسرقة أغنية "للي"

رد الفنان أكرم حسني على اتهامه بسرقة كلمات أغنيته الجديدة 'للي'، للكينج محمد منير، والتي طرحت مساء أمس الأربعاء.

وبمجرد طرح الأغنية اتهم الكاتب أحمد أبو دياب، الفنان أكرم حسني بسرقة كلماتها من ديوان شعر للشاعر عادل صابر، صدر ضمن كتاب 'بحر الدميرة'.

رد أكرم حسني

وعلق أكرم حسني عبر حسابه الرسمي بموقع التواصل الاجتماعي 'فيسبوك' قائلًا: قريت من شوية بوست بيتهمنى بسرقة كلمات أغنية (للي) من شاعر من جنوب مصر الحبيب، وبعدها أكتر من صحفي كلمني بيطلب مني رد على الاتهام دا، فخلوني أوضح كذا نقطة:

١- كل الحب والاحترام والتقدير لكل موهبة فنية بتقدم فن يحترم الجمهور وجنوب مصر خرجلنا شعراء وأدباء كتير على رأسهم الخال الأبنودى رحمة الله عليه.

2 - أومن بحقوق الملكية الفكرية كما أؤمن بأن السرقة الفنية تصنع نجاحا مؤقتا.

3 - تشابه جملة من الأغنية التى تتكون من 12 بيت مع جملة للشاعر لا يعنى السرقة وإنما توارد الأفكار أمر طبيعى.

4 - لما كتبت الأغنية كانت مكونة من 20 بيت اختار منهم الكينج 12 بيت وتم تسجيلهم فمعتقدتش اللى كتب 20 بيت هتقف معاه فى جملة عشان يسرقها.

5 - أنا بكتب أغانى بقالى أكتر من 8 سنين من خلال برامج ومسلسلات وأعمال فنية قدمتها وكنت على سبيل المثال فى أغانى برنامج أبو حفيظة قبل ما بستخدم لحن أى أغنية فى البرنامج برجع لجمعية المؤلفين والملحنين وأسدد الرسوم حفاظا لأصحاب حقوق الملكية الفكرية.. ف اللى يعمل كدة بيتهيألى صعب يحط نفسه فى موقف زى ده.

6- أنا مهنتى الأساسية ممثل وبحب صناعة الأغانى من باب الهواية ف أنا مش محتاج أسرق عشان أعمل رصيد لنفسى كشاعر.. أنا بعمل ده بحب.

7 - وأخيرا.. أنا كتبت البوست ده مش دفاعا عن نفسى ولكن لاحترامى للجمهور المحترم اللى بيثق فيا ف حبيت أوضح له.