ظهرت منصات المشاهدة فى الفترة الأخيرة بشكل واضح، واختلت مساحات كبيرة وأصبحت تلعب دورا مهما في انتشار الأعمال الفنية سواء التليفزيونية أو السينمائية، وربما تصل لحد السيطرة على المجال الفني.
وفى تصريحات لـ"أهل مصر"، قال الناقد الفنى أحمد سعد الدين، حول المنصات: "المنصات مش مهيمنة على السوق الفني، في حوالي 30 مسلسل اتذاعوا فى رمضان على الفضائيات عادى مش على منصات، لكن ظهور المنصات ساعد بشكل كبير جداً فى ظهور نوعيات كتير جداً من الأفلام والمسلسلات، مثل المسلسلات التى تعرض فى الوقت الحالى وهى مكونة من 6 لـ8 حلقات بس دى فى الغالب بنشاهدها على المنصات بس، وفى الوقت الحالى فى نجوم كتير اتجهوا للعمل فى مثل هذه المسلسلات.
وأضاف: "بعض الأفلام قد لا تكون جماهيرية زى اللي بتتعرض فى المهرجانات مش موجود فيها نجوم كبار، وبالتالى المنتج بيروح للمنصات عشان تعرض له الفيلم، فى بعض الأحيان تكون الحالة الفنية لهذه الأفلام أعلى من نجومية الفنان نفسه".
وتابع: "المنصات مسحبتش البساط من التليفزيون والسينما، هى أصلاً موجودة، وما حدث أن المنصات أحدثت حراكا فى الوسط الفني، فأصبح هناك فنانين مكناش بنشوفهم بقالنا فترة اشتغلوا بشكل كبير، وأصبح هناك مسلسلات 10 أو 12 حلقة وهكذا فعندها شغل كتير، وهى موجودة لكن مش هتسحب البساط من التليفزيون كفضائيات أو من السينما".
تابعوا آخر أهل مصر على Google News
