هند عاكف عن مقتل نيرة أشرف: «اللي بيحب حد يضحي عشانه مش يقتله»

علقت الفنانة هند عاكف على قضية مقتل الطالبة نيرة أشرف على يد زميلها في الجامعة، بعد رفضها الارتباط به.

وقالت هند عاكف في تصريح لـ 'أهل مصر':' الموضوع به خبايا كثيرة جدا، وانا عن نفسي بقول لا يصح أي بنادم تحت أي مسمى في الدنيا يقتل روح مهما عملت فيا ومهما عملت فيك'.

وتابعت:'ربنا سبحانه وتعالي قال القصاص لكن لما أحنا نحارب بعض علشان الدين لكن مش علشان أنا بحبك او بتحبني أو عملت فيك اي حاجة في الدنيا، مهما يكون معنديش حاجة تخلي البنى ادم يقتل أيا كان الملابسات ممكن يكون ملابسات جامدة'.

وأضافت هند عاكف:'الأسرة والتربية عليها عامل، لازم نرجع لأخلاقيتنا ولقيم ولمبادئ الأسرة المصرية..اه قابيل قتل هابيل لكن ده زمن والان نعرض حاجات مهمة والدين والتسامح، فأزاي نعمل كدا..اللي بيحب حد يضحي علشانه مش يقتله أنا ضد القتل مهما كان، لو أنت النهاردة جيت ضربتني بالسكينة وأنا هعيش مش هقتلك برضه'.