دينا الشربيني: "والله ما هتشوفوني فريق عمل في حياتي"

كشفت الفنانة دينا الشربيني عن أن أهم شيء تعلمته من تجاربها السابقة، ألا تحكم على حياة الأشخاص من الخارج.

وقالت الفنانة دينا الشربيني خلال استضافتها في برنامج 'معكم' من تقديم 'منى الشاذلي' المذاع على شاشة 'سي بي سي': 'اتعلمت إن ممكن أبقي شايفة حد من بره إن حياته بشكل ما لكنها في الحقيقة بشكل تاني، يعني ممكن تبقي شايفة حاجة من بره بس عمرك ما هتبقي عارفه ايه اللي جواه، لذلك لا تحكم ولا تتكلم في الموضوع أصلا لأن عمرك ما هتعرف ايه اللي بيحصل'.

وأضافت: 'اتعلمت كمان إن دايما ربنا بيبقي شايلك الأحسن وبيجبلك الحاجات في الوقت المناسب، ومفيش حاجة ربنا عملهالك من غير سبب، هو عملها عشان تتعلمي منها حاجة'.

من جانبها، قاطعتها منى الشاذلي قائلة: 'يعني اتعلمتي إن مينزلكيش صورة مكتوب عليها فريق العمل؟' لتجيب دينا الشربيني ضاحكة: 'ده أكيد.. والله ما هتشوفوني فريق عمل في حياتي.. هيبقي في عمل بس'.

وتابعت: 'فضلت فترة بيتقال (فريق العمل راح وجه)، بس أنا مش من النوع اللي بيدور كتير على السوشيال ميديا فمكنتش بقرأ كل الكلام ده، وكمان عمري ما هعرف أحكم الناس يقولوا إيه وميقولوش إيه، بس اتعلمت إن بعد كده مش هيبقى في فريق عمل هيبقى في عمل بس'.

يذكر أن 'فريق عمل' كانت تطلق على دينا الشربيني منذ فترة بعدما نشر النجم عمرو دياب صورة له معها ومع المخرج طارق العريان، وعلق عليها كاتبا: 'فريق عمل فيلم الشهرة'.