هيثم شاكر يحكي موقفا له مع شركة إنتاج في بدايته: "قالي فوت شهر وكلمني"

حكى المطرب هيثم شاكر، موقفا حصل له عندما ذهب لشركة إنتاج في بداية مشواره الفني.

وقال هيثم شاكر، خلال استضافته في برنامج ' معكم' من تقديم منى الشاذلي المذاع على فضائية 'سي بي سي':'في واحد صاحبي فتح جنب بيته شركة إنتاج وعرف إنهم بيدوروا على أصوات جديدة خد رقم المنتج وادهولي، الرقم فضل معايا ٥ شهور متردد أكلمه، وبعدين قررت أكلمه وعرفته بنفسي وقولتله إني سمعت إنهم بيدوروا على أصوات جديدة قالي فعلا بس كلمني بعد شهر'.

وتابع المطرب هيثم شاكر: 'كلمته بعد شهر قالي تعالى بكرة روحت وغنيت وقالي هنبقى نكلمك وبعدين مشيت فجه ورايا عند الأسانسير وقالي ممكن تيجي تغني تاني شركائي عاوزين يسمعوا صوتك.. ووأتوافق عليه وعرفت إني في ألبوم كوكتيل هيغني فيه حكيم وحميد الشاعري و٧ أصوات جديدة اللي أغنيته هتنجح هتتصور فيديو كليب'.

واستطرد: 'اتفاجئت إني الألبوم كله مقسوم وأغاني رتمها سريع وأنا الأغنية الوحيدة الدرامية قولتلهم أنا أستب أنا مش لاعب الألبوم هينزل في الصيف والأغاني دي هتشتغل في الأفراح وأغنيتي محدش هيسمعني، أستاذ فايز أخدني على جنب قالي أنت عامل أغنية حلوة أوي وأنا مؤمن بيك جدا اصبر وشوف الأغنية هتعمل إيه وبعدها نتكلم ، نزل الألبوم ونجح كل الأغاني اللي فيه وأغنية أحلف بالله الحمدلله نجحت'.