أحمد برادة: دخلت "حب البنات" عشان ليلى علوي.. وبضايق لما الناس تفتكرني بالفيلم

أكد لاعب الإسكواش السابق والفنان أحمد برادة، أنه يفضل المزيكا عن التمثيل.

وقال أحمد برادة، خلال استضافته ببرنامج 'كلام الناس' تقديم ياسمين عز المذاع على شاشة 'إم بي سي مصر': 'أنا بحب المزيكا قوي، بس مش بحب التمثيل خالص، يعني التمثيل بالنسبالي، جات ليلى علوي، صديقتي المحبوبة.. وأنا روحت عشانها'.

وأضاف 'برادة': وعملنا فيلم أنا والأساتذة الكبار أحمد عز، وحنان ترك، وسوسن بدر، وأشرف عبد الباقي، وخالد الحجر، وعملنا فيلم حب البنات، أنا حسيت على ما نعمل مشهد، بحس بالخوف في المشهد، في الملعب بلعب أنا، ونعيد تاني، لأ أنا مليش في ده، أنا بحب السرعة والإنجاز'.

وتابع: 'الحمد لله الفيلم كان مقبول ولذيذ، بس ملقتش نفسي في التمثيل، الفيلم ربنا وفقني فيه، أغنية نسيني وأنا جنبك، أنا بضايق لما ألاقي الناس فاكراني بفيلم حب البنات أكتر من الإسكواش'.