لوسي عن منع الإطلالات الجريئة بمهرجان القاهرة السينمائي: ما احنا لابسين أهو في إيه؟!

علقت الفنانة لوسي، على قرار الفنان حسين فهمي رئيس مهرجان القاهرة السينمائي الدولي، بارتداء الملابس الرسمية خلال فعاليات المهرجان.

وقالت لوسي في تصريح لـ «أهل مصر»: 'أنا مسمعتش صراحة، لكن أفتكر أن الاستاذ حسين فهمي رجل مثقف وواعي ومش ممكن يقول قرار زي ده، ما احنا لابسين أهو في إيه'.

وتابعت لوسي قائلة: 'ببساطة مظنش حسين فهمي يقول كده، مسمعتوش فمقدرش أحكم ومعتقدش يقول حجات زي كده'.

يشار إلى أن الفنان حسين فهمي أوضح شكل الزي الرسمي، في الدورة الـ 44 لمهرجان القاهرة السينمائي، والمنتظر إقامتها في الفترة من 13 إلى 22 نوفمبر المقبل، وقال إن مهرجان القاهرة ضمن مهرجانات الفئة الأولى، وتابع: 'لما جيت المهرجان لقيت أن كل واحد بيلبس اللي هو عايزه، أنا لما حد بيجيلي البيت مش هستقبله بالبيجاما، هلبس كويس والستات تلبس لطيف'.

وتابع فهمي قائلا: 'للأسف الشديد الأمر تطور لأكثر مما كنت متخيل، وبقى (وريني يا حبيبتي الفستان طيب لفي كده.. مين اللي عامل التسريحة واسمه أيه الكوافير؟)، مش ده المهرجان'.

وواصل حسين فهمي حديثه قائلا: 'لازم كلنا نبقى ملتزمين بالملابس الرسمية بتاعة كل المهرجانات الدولية، ألان ديلون لما جه المهرجان كان جاي بالبدلة السموكنج على كتفه، ده عادي واللبس اللي إحنا بنتفق عليه دوليا'.

وأكمل: 'نفس الزي الرسمي هيبقى موجود، والناس هتلبس كويس وتبقى شيك وهيبان إنه مهرجان قيم جدا'.