عفاف شعيب عن تريند الملابس الألماني: "أمال هدخل الفردوس الأعلى إزاي"

علقت الفنانة عفاف شعيب، على تريند الملابس الألماني، قائلة: 'لو أنا مش مؤثرة أو فاشلة مش هبقى تريند'.

وقالت الفنانة عفاف شعيب، خلال مداخلة هاتفية لبرنامج 'كلمة أخيرة' تقديم الإعلامية لميس الحديدي المذاع على قناة 'أون': ' اللي يقول يقول والله مبقتش تفرق معايا حسابهم عند ربنا هما فاكرين إني كده مفيش عقاب عند ربنا.. كمية ثوابات خدتها أمال أنا هدخل الفردوس الأعلى إزاي'.

وأضافت: 'هي فين المصانع اللي بتعمل لبس كويس .. أنا ولا مقاس مصري بيناسبني والحاجة الوحيدة اللي ارتحت فيها اللبس الألماني والغالي ثمنه فيه.. أنا بلف مصر كلها عشان ألاقي بلوزة أو جاكيت أو بنطلون يناسبني'.

وتابعت: ' هي إيه القضية؟ أنا بحب الشياكة والأناقة وأحب ألبس كويس حتى وأنا محجبة'.

يذكر أن عفاف شعيب، قالت في تصريحات تلفزيونية، إن سر أناقتها أنها كانت تشتري الملابس الخاصة بها من الخارج، مضيفة: 'بعد الاستيراد لما اتقفل بقيت بعاني مش لاقية الهدوم الألماني اللي متعودة عليها'.