رامي جمال عن المطرب النقاش: "بسدد ديون ناس تانية.. ومش همضيه عقد احتكار"

كشف الفنان رامي جمال، عن تفاصيل دعمه لـ المطرب النقاش أحمد سالم، قائلا:' صوت أحمد سالم أجبر الوطن العربي كله على احترامه، وأنا استفزيت من صوت أحمد سالم وعجبني جدا'.

وقال رامي جمال، خلال استضافته ببرنامج 'سهرانين' تقديم أمير كرارة المذاع على قناة 'أون': ' في ناس كتبت إني عايز أركب تريند وفي وقت نشر فيديو أحمد سالم مكنش حد شاف فيديو أحمد أصلا'، مضيفا:' قلت لمراتي الصوت ده حرام لو معملتلوش حاجة، والفنان هو صوت وقبول'.

وأضاف رامي جمال:' أنا بسدد في أحمد سالم ديون ناس عملتهالي، وهو مش هياخد من رزقي حاجة، و قلت لـ أحمد سالم إحنا هنعمل أغنيتين أغنية بيني وبينك وأغنية لوحدك، وقلته مش همضيك عقود احتكار، وأتوقع إن أحمد سالم هيكسر الدنيا'.