دوللي شاهين تكشف تفاصيل تعرضها للخيانة أول مرة.. وهكذا انتقمت

قالت المطربة دوللي شاهين إنها تعرضت للخيانة الزوجية مرتين، لكنها اكتشفت الخيانة دون بذل أي مجهود.

وتحدثت دوللي شاهين، خلال استضافتها في برنامج 'البخت'، الذي تقدمه خلود عزمي على قناة الشمس، عن تفاصيل تعرضها للخيانة أول مرة قائلة: 'كانت أول جوازة وكنت راجعة من السفر وعاملة مفاجأة لجوزي وأهلي، وأول ما وصلت حصلت حالة رعب في البيت'.

وأضافت: 'وأنا واقفة عند أوضة النوم برتب حاجتي، سمعت جوزي بيكلمها في التليفون وبيقول لها أنا آسف مش هعرف أقابلك النهاردة مراتي جت، فتجمدت ثواني، عشان كنت صغيرة وعمري ما أتخيل إن في خيانة غير في الأفلام والمسلسلات، لكن خدت قلم غريب'.

وتابعت: ' مواجهتش جوزي الانتقام طبق الأحلى إنك تاكليه وهو ساقع، ربنا جابلي حقي لغاية عندي، ولقيت صاحبة جوزي بتكلمني وعايزة تقابلني، وقابلتها في بيروت، وقالتلي إن جوزي واخد منها فلوس وهي محتاجة الفلوس وأمها في المستشفى، فعرضت عليها تكون الماكييرة في الكليب الجديد بتاعي. كان كرم أخلاق مني وإديتها أجرها'.

وأكملت: 'جوزي كان مصور فوتوغرافي في الكليب، ومش عارف إن صاحبته موجودة، هي انهارت وهو بقى مصدوم، وحلف إنه ميعرفهاش، وأنا قلت خرجوهم برا وكملت يومي عادي'.

وردا على سؤال عن آخر خيانة تعرضت لها، قالت: 'جوزي كان مقيم في مصر، وأنا كنت راجعة من لبنان عشان مدرسة بنتي، ولقيت حاجات نسائية على سريري مش بتاعتي، والموضوع كان خلصان لكن كنت مكملة عشان خاطر بنتي'.