ريهام عبد الغفور تكشف تفاصيل تعرضها للتحرش

أفصحت الفنانة ريهام عبد الغفور، عن تفاصيل تعرضها للتحرش في طفولتها، وذلك في لقائها مع الإعلامي أنس بوخش في برنامجه Abtalks.

وأوضحت ريهام عبد الغفور، أنها لم تتمكن من الحديث عن الأمر لمدة 40 عاما، بجانب الحديث عن علاقتها بـ أولادها، وتابعت:"تعرضت للتحرش وأنا طفلة 6 سنين من شخص قد جدي وكنا بنثق فيه، ولما دا حصلي خوفت أقول لأهلي وكنت بستخبى تحت السفرة لما بشوف الشخص دا".

واضافت:" الشخص دا لما مات فرحت وعرفت إحساس الشماتة، وبقالي 40 سنة مش قادرة أحكي وشايلة القصة في قلبي، ولكن السنة دي حكيت لـ جوزي وتخطيت الموضوع".

وأكملت ريهام عبد الغفور حديثها قائلة: مريت بتجارب كتير مش حلوة في حياتي، ولكني واثقة أن مفيش حاجة دايمة ويوم واحد ممكن يغير كل حاجة، وأنا بحاول أسيب أثر كويس عند الناس اللي حواليا مع إني اتخذلت كتير من صحابي، وفهمت إن الصحاب مش بالعدد.