محمود عبدالمغني: اشتغلت في البلاط وورش الطوب وكنت مطلوب بالاسم

تحدث الفنان محمود عبد المغني عن طفولته، خلال استضافته في برنامج 'سهرانين' تقديم الفنان أمير كرارة المذاع على قناة 'أون'، مشيرا إلى أنه ترك الدراسة بسبب وفاة والده.

وقال محمود عبد المغني: 'بعد وفاة والدي حسيت إني عايز أعمل إني مسؤول مع إن ده مش مطلوب مني خالص لأن كان عندي إخواتي الكبار، ومعرفش ليه المسؤولية شدتني وكنت بروح أشتغل، لغاية ما حصل مشكلة في المدرسة واتقفشت إني بشتغل وسايب المدرسة، وأول شغلانة إشتغلتها كانت في البلاط'.

وأضاف: 'المنطقة كلها عندنا في الوراق مشهورة بالبلاط والسباكة، وأخويا الكبير محمد كان شغال في البلاط، وأنا اشتغلت في البلاط وكنت أحسن واحد وكنت مطلوب بالاسم، واشتغلت في ورش الطوب، كان بيبقى فيه صف طويل جدا كنت بقلب الطوب'.