حل الفنان محمود عبد المغني ضيفا على برنامج "سهرانين" المذاع عبر قناة ON ويقدمه النجم أمير كرارة، وكشف عبد المغني خلال الحلقة عن أسرار حياته الشخصية.
وقال محمود عبد المغني: "بعد وفاة والدي حسيت إني عايز أعمل إني مسؤول مع إن ده مش مطلوب مني خالص لأن كان عندي إخواتي الكبار، ومعرفش ليه المسؤولية شدتني وكنت بروح اشتغل، لغاية ما حصل مشكلة في المدرسة واتقفشت إني بشتغل وسايب المدرسة، وأول شغلانة اشتغلتها كانت في البلاط".
وأضاف: المنطقة كلها عندنا في الوراق مشهورة بالبلاط والسباكة، وكنت أحسن واحد بيسقي وكنت بتطلب بالاسم لما كبرت، وأخويا الكبير محمد كان شغال في البلاط، وأنا اشتغلت في البلاط وكنت أحسن واحد وكنت مطلوب بالاسم، واشتغلت في ورش الطوب، كان بيبقى فيه صف طويل جدا كنت بقلب الطوب.
تابعوا آخر أهل مصر على Google News
