رفضت الفنانة شيرين، فكرة التبرع للغارمات اللاتي يقضين عقوبة الحبس بسبب تعثرهن المالي، وأوضحت قائلة: "اسمحولي أقول إني ضد التبرع للغارمات، دول دماغهم مترسخة بأفكار انتهت من سنين".
وأضافت شيرين خلال تواجدها بندوة وزيرة التضامن الاجتماعي الدكتورة نيفين القباج ضمن فعاليات مهرجان الإسكندرية السينمائي لدول البحر المتوسط في دورته الـ38: "يعني ايه يجيبوا 4 شاشات و12 ملاية مع إن كفاية 4، و3 بوتجازات و2 ثلاجة، والبنات أصلا مبتعرفش تطبخ".
كما تحدثت عن زواج القاصرات قائلة: "جواز القاصرات واجب علينا إننا نحاربه، ولازم نسلط الضوء على دور الأب والأم في انتشار الظاهرة دي، احنا بقينا نشوف بنات بيتجوزوا في سن 12 سنة عن طريق جلسات عرفية بين الأهالي".
وأكملت شيرين حديثها: "الجواز مبقاش عند سن 18 سنة عند المأذون، بيجوزوا البنات وهما أطفال والبنت تخلف وهي عندها 13 سنة، وتموت بعدها بسنة عشان جسمها ضعيف، وأهلها هما اللي بيتحملوا تربية الطفل، وجوزها بيتجوز تاني ومش في دماغه".
تابعوا آخر أهل مصر على Google News
