شيرين عبد الوهاب حول إدمانها المخدرات: "أنا فلة شمعة منورة"

حلت الفنانة شيرين عبد الوهاب ضيفة على برنامج 'صاحبة السعادة' المذاع عبر قناة DMC وتقدمه الفنانة إسعاد يونس.

وأكدت شيرين خلال البرنامج أنها استطاعت العودة إلى جمهورها بسبب حبهم ودعمهم المستمر لها في الفترة الأخيرة، خاصة في حفلها بمهرجان قرطاج في تونس.

وأضافت: 'أنا الفترة دي التزمت واشتغلت، لكن قبل أي حاجة أنا ممتنة لحب الناس، ومكنتش فاكرة إن الناس مسؤولة عني بالشكل ده، وهذا الحب معناه رضا ربنا'.

وحول روتينها و طعامها اليومي، قالت شيرين عبد الوهاب: 'أنا مش حارمة نفسي من حاجة، لكن دخلت في شرنقة شيرين والحياة اللي كنت عايشاها الأول، وكل حاجة نفسي فيها باخد منها حتة.. مش أكتر من حتة'.

وأضافت: 'جسمي في قرطاج كان معبي مية ولا زلت، لكن كشيت شوية وشعري طول'.

وتابعت: 'لما طلبوني في الحفلة معرفش ليه قبلتها، لكن كلمني سيادة السفير المصري في تونس وأحرجت منه'.

وبخصوص تكهنات البعض حول إدمانها للمخدرات، قالت شيرين عبدالوهاب 'أنا كنت لازم عشان أنام أخد حاجة تأهلني للنوم، وأول ما أصحى أخذ أدوية للمعدة والحساسية، دلوقتي عايشة من غير حتى برشام صداع، والبركة في دكتور نبيل عبد المقصود'.

وأضافت شيرين: 'هل عشان هو دكتور إدمان لازم أكون أنا بتعالج من الإدمان؟ هو صديقي من زمان، وفي إدمان أدوية وأكل وعادات سيئة، مش مخدرات بس، مفيش مخدرات انا فلة شمعة منورة'.