تضامنت جيني طعيمة، زوجة الشاعر أمير طعيمة مع النجمة شيرين عبد الوهاب وناشدت محبيها بالوقوف لجانبها في هذه الأزمة مشيرة ان حسام حبيب وأنه سبب من اسباب ازماتها.
وكتبت جيني، علي حسابها الرسمي بموقع التواصل الاجتماعي "فيسبوك": "موقف إنساني
أهيب بكل أخواتي وأصدقائي وزمايلي من الصحفيين الكرام، وأخص بالذكر بنات وسيدات مصر الفضليات رجاء في كل بيت فينا موقف وعدي بستر الله ليس إلا ده مش سبق صحفي علي الإطلاق أنت بقلمك تنفذ حياة إنسانة وأنسي خالص إنها فنانة عندها موهبة كبيرة خصها الله بها دون غيرها أمتعتنا الكثير أعلم تمامًا إن الموضوع فاق الحد ولكن ليه اليأس".
وأضافت جيني قائلة: " علي المستوي الإنساني بحبها جدا وعلي المستوي الفني إضافة للجميع
البنت في محنة شديدة القسوة أرجوكم عندنا أطفال ومفيش حاجة أسمها بنات بس الذرية إناث وذكور بل هل ده مش هيأثر علي بيئتهم وإحساسهم بأمهم وما يجري في البيوت وعلي العلن..فكر كده أكتب كلام أقولها قومي وإلا أكمل فيما تبقي منها من أشياء إنسان ".
وتابعت كلامها قائلا: " أخطأوا في حق البنت دي وأول واحدة نفسها بس الحل نلحقها أرجوكم إنتحار حضرتك بقلمك عندك حرية الآختيار كلنا مش الصحافك بس ولا الإعلام بس كلنا كلنا".
واختتمت كلامها قائلة: "يا نشيلها من الوحل والوباء والهلاك ونبقي عملنا عمل نحترم به إنسانيتنا أو هتفضل تلوم نفسك لو في يوم كتبت خبر وفاتها كلام أهم ومهم ننسي خالص حاليًا موضوع الأهل وما صدر منهم كلهم أخطأوا ولكن مش وقته والطرف التاني الشخص المسئول عنها في يوم من الأيام دمرتها كنت هحترمك لو وقفت وقفة رجولة وطلقتها لعلها تفوق ولكن ساعدت بأشياء وأشياء ضد من كانت زوجتك".
وتابعت: "يا أخي عيب عيب الرجولة موقف كفاية عليك كده البنت راحت في طريق اللا عودة وأنت من الأسباب دي لو رفعت عليه قضية أقسم بربي قسم سيدة حرة
لم نفسك وأقف معها موقف رجولة في حياتك لعله شفيع لك ".
وناشدت الجميع قائلة: "ايدي في أيد الكل دون إستنثاء وقفة قوة وعزيمة نشد البنت من الخراب للنور باقي بصيص أمل ما نتنازلش عنه أبدا، أنا بطولي واقفة زي الأسود معها وهقف ومكملة ومش هتخلي عن كوني إنسانة هتتعالج وهتبقي وهتكمل ومش هنيأس ده كلام العلم وكلامي وأنا مسئولة عنه".
وواصلت:" شيرين عنيدة ومش هتتعالج بهجوم الناس عليها ولا بالعافية بالحب كل حاجة بالحب تنفع وبالرضا تنفع وبالحضن تنفع والطبطبة تنفع رجاء وتمني من حبايبي وبكل إمتنان وبمنتهي الترجي مين منا معندوش قصة مش حابب أهله يعرفها كلنا كلنا بلا إستثناءات
مصر مليئة بالأطباء الرواد في المجال الطبي ولنا عقود في ذلك يقدروا يساعدوا وإن لم نقدر نسفرها دي ثروة مهمة لينا كلنا ومكسب ليه نضيعة ".
واختتمت حديثها قائلا: "أنا بتكلم بأسمي وعن نفسي أرجوكم عدم زج أسم أي شخص يخصني أنا مش فاقدة الأهلية أنا عارفة بقول إيه وبعمل إيه اللهم إني قد بلغت اللهم فأشهد الجمهور الكريم أدعم رجاء شيرين عبدالوهاب".
تابعوا آخر أهل مصر على Google News
