بسمة عن قصة حبها وانفصالها مع عمرو حمزاوي: "الدنيا كانت قاسية معانا شوية"

علقت الفنانة بسمة عن تفاصيل انفصالها من الدكتور عمرو حمزاوي رغم زواجهما عن قصة حب.

وقالت بسمة، خلال استضافتها ببرنامج 'كلمة أخيرة' تقديم الإعلامية لميس الحديدي المذاع على قناة 'أون': 'الواحد أحيانا بيتساءل لو كان روميو وجوليت قصة الحب اللي العالم كله بيحلف بيها..لو مكانوش ماتوا الاثنين وكملوا واتجوزوا كان إيه اللي حصل.. أحيانا الدنيا بيحصل فيها كده لكن احنا محافظين على علاقة صداقة واحترام كويسة'.

وأضافت: 'أنا سافرت معاه امريكا وحاولت اشتغل وجت لي فرصة للمشاركة في مسلسل أمريكي والتجربة كانت حلوة جدا واتبسطت فيها لكن عشان أحاول أعمل كارير ليه في أمريكا أولا سكته صعبة جدا.. وثانيا العمل هناك مكنش مناسب لظروفي لأني بنتي كانت لسه صغيرة'.

وتابعت: 'قرار لانفصال مكنش بسبب الشغل ولكن أسباب شخصية أحيانا الناس مبتعرفش تكمل وأحيانا بتطور شكل العلاقة لشكل آخر.. الدنيا كانت قاسية معانا شوية أنا وعمرو الغربة قاسية جدا حتى لو كان هو شغله يتطلب ده.. بس الحمدلله عرفنا نحافظ على علاقة محترمة عمرو جزء من عيلتي حتى لو مكناش متزوجين.. أم أولاده وزوجته الأولى جزء من عيلتي حتى لو هما مش متزوجين'.