رزان مغربي بعد حصولها على الجنسية المصرية: مصر مبخلتش عليا إدتني رزق وسعادة وعيلة

أعربت الفنانة رزان مغربي، عن سعادتها بالحصول على الجنسية المصرية، بعد عامين بالضبط من تقدمها بطلب رسمي للحصول عليها.

وقالت رزان مغربي، في مداخلة مع الإعلامي محمد الغيطي بـ برنامج 'تقدر' المذاع على قناة الشمس: 'مصر الجميلة أم الدنيا، والحضن الدافي والسعادة، حاسة إني عروسة في فرحي'.

وأضافت: 'بقالي سنتين منتظرة اليوم ده من يوم ما قدمت على ورق الجنسية، ومصر مبخلتش عليا، ومن غير تأخير ثانية واحدة، ورحت المجمع عملت البطاقة وخدت الرقم القومي'.

وتابعت: 'كل الناس بتقول أنت مصرية من زمان، وأظن إني مصرية من قبل وصولي لمصر، ولو تؤمن بالسفر في الزمن حاسة إني كنت قطة عايشة في مصر من زمان. مصر إدتني رزق وسعادة وعيلة، واتجوزت وخلفت منها، وأشكر جوزي اللي إداني بلد جديدة مع بلدي لبنان اللي بحبها'.

وروت رزان مغربي موقفا حدث معها أثناء وجودها في مبنى المجمع قائلة: 'الضابط سأل جوزي كانت كويسة معاك السنتين اللي فاتوا، وعملت المحشي كويس؟ يبقى لازم تاخد الجنسية'.