ثراء جبيل: لن أعمل مع المخرج أحمد صالح مرة أخرى "شتمني بأقذر الألفاظ"

كشفت الفنانة ثراء جبيل، عن موقف صعب تعرضت له على يد المخرج أحمد صالح أثناء تصوير مسلسل 'بحر'.

وقالت ثراء جبيل، خلال حوارها مع الإعلامية راغدة شلهوب، في برنامج 'نص الكلام' المذاع على قناة النهار: لن أعمل مع المخرج أحمد صالح لأنه أهانني.. كان عنده أخت شغالة مساعد مخرج سكريبت ملابس غلطت في المساعدة بتاعتي وإحنا ملناش ذنب خالص هي اللي غلطانة وهزقتها جامد وصوتها عالي في وسط الشارع .. حليت الموقف وجبت لها حاجة شبهها بالضبط وطلعت عالمشهد بمنتهى الاحترافية اللي في الدنيا خلصته'.

وأضافت 'ثراء': 'نزلت.. أنا بحب آخد حقي وحق البنت اللي اتهزقت بشكل مش لطيف.. فعليت صوتي وزعقت بدون أي تجاوز زي ماهي عملت.. أنت اللي غلطانة متزعقلناش كده احنا ولا مرة نسينا حاجة متطلعيش علينا سمعة إني احنا ناس مهملة لأنه ده إهمال منك أنتي'.

وتابعت: ' أنا لما بتعصب ببقى مرعبة فهي طبعا عيطت وراحت عيطت لأخوها.. أخوها كلمني في التليفون ألو ثراء أنا أحمد صالح ١٧ ثانية شتمني بأقذر الشتائم في وجود المنتج الفني وممثلة زميلة والمنتج الفني سمع ذهل قفلت السكة مرديتش .. وبالصدفة كان الاسبيكر مفتوح ومحدش عمل أي حاجة'.