يوسف فوزي: عندي نوع خفيف من التوحد.. ونجيت من السرطان

حل الفنان الكبير يوسف فوزي ضيفًا على برنامج "واحد من الناس" المذاع عبر قناة الحياة، ويقدمه الإعلامي عمرو الليثي، وكشف خلال اللقاء أسرار عن حياته الشخصية.

وقال يوسيف فوزي: "بعد الاعتزال قدرت تعب مراتي في البيت وفي تربية ابني عمر، لأنه مصاب بنوع خفيف من التوحد، ورحنا كندا علشان نشخص حالته ونشوف لو محتاج عملية، ومراتي جابت الكتب اللي موجودة في العالم كله علشان نعرف أكتر عن نوع التوحد ده، اكتشفت إن أنا كمان مصاب بنفس نوع التوحد اللي عند ابني ومكنتش أعرف، ومكنش باين عليا علشان كان خفيف ومعطلنيش في حياتي".

وأضاف يوسيف فوزي كاشفًا عن إصابته بسرطان المثانة في وقت سابق، بجانب إصابته بـ نزيف في المخ قائلًا: الدكتور لما شخصني بمرض شلل الرعاش، قالي عيش حياتك وتقبل المرض، قُلت له أنا بتقبل كل حاجة في حياتي، وأنا تقبلت قبل كده السرطان كان في المثانة في المراحل الأولى ونجيت منه، ونجيت من نزيف في المخ، وقعت في أوضة اللبس ووقعت على راسي واكتشفت بعد شهر ونص إصابتي بـ نزيف على غشاء المخ، والحمد لله ربنا ستر.