محمد فاضل عن اختيار فردوس عبدالحميد في دور والدة نجيب الريحاني: الدور مناسب

علق المخرج محمد فاضل على الانتقادات الموجهة لاختياره زوجته الفنانة فردوس عبدالحميد في دور والدة نجيب الريحاني بمسلسل الضاحك الباكي.

وقال محمد فاضل، خلال استضافته في برنامج ' حديث القاهرة' مع الإعلامي خيري رمضان المذاع على 'القاهرة والناس': ' لا أضع في اعتباري ما يقوله البعض عن ظهور فردوس عبدالحميد في أعمالي طالما الدور مناسب'.

وأضاف المخرج محمد فاضل: ' في مسلسل هدى شعراوي كان في مراحل سنية مختلفة ليها علاقة بالدراما جبت نور قدري عملت حلقة واحدة وجبت الفنانة داليا مصطفى عملت ١٠ حلقات وبعد كده جبت فردوس عبدالحميد عملت المرحلة اللي بعد كده لأني السن الصغير ده له علاقة بالموضوع وكان لازم أجيب واحدة صغيرة لأنه ده هيأثر في الدراما لكن في مسلسل نجيب الريحاني دي كانت حلقة واحدة فقولت مين الممثلة الكويسة اللي هترضى تيجي تعمل حلقة وتخلص وليكن خطأ لكن ده ملوش علاقة بباقي المسلسل'.

وتابع: 'أنا عاوز أضرب مثل بسيط جدا امبارح الحمدلله الأهلي فاز وجاب جون، لحد الدقيقة ٣٨ كان ممكن أقول إيه الماتش ده وأقفل التلفزيون فالراجل جاب من الدقيقة ٣٩ حد يحكم على عمل من الحلقة الأولى وبعضهم حكم قبل ما العمل ما يبتدي'.