مراد مكرم: كنت مضطر أوافق على برنامج الأكيل.. وأمي بكت بسببه (فيديو)

كشف الفنان مراد مكرم، عن أنه كان مضطرا لتقديم برنامج الأكيل.

وقال مراد مكرم، خلال استضافته في برنامج ' أنا سعيد' تقديم الإعلامي سعيد جميل المذاع على قناة 'القاهرة والناس': 'كنت مضطر لازم أشتغل وأدخل فلوس عشان أنا راجل متجوز ومخلف'.

وأضاف مراد مكرم: ' اضطريت أعمل البرنامج كنت متجوز ومخلف هو ابتدى ٢٠١٣ واتذاع ٢٠١٤ وكان سنتين بعد الثورة وكان البيزنس الخاص بتاعي مكنش شغال.. وأنا مش شغال مذيع من ٢٠٠٨ والدراما والسينما وكل حاجة بسبب الثورة واقفة'.

وتابع مراد مكرم: 'مكنتش متوقع نجاح البرنامج أمي بكت وشتمتني عشان قدمت البرنامج مكنش وقتها في حاجة اسمها فود بلوجر وربنا أراد إني يكون مخرج مبيحبنيش كمذيع يشوفني في البرنامج فيقول ينفع في دور معين فاعمل الدور ويفرقع'.