ردت الإعلامية ياسمين عز على هجوم الفنانة مايان السيد، عقب تصريحها الأخير خلال المؤتمر الصحفي لفيلم 'هاشتاج جوزني'، عند سؤالها عنها قائلة: 'لا تعليق.. مش هساعدها تشتهر'.
وقالت عز في تعليق خلال برنامجها 'كلام الناس' الذي يعرض عبر قناة 'MBC مصر': 'في مثل أنا بعمل بيه، وهو من دق الباب لقي الجواب، يعني اللي يخبط على حد هيلاقي رد، من وجهة نظري الرد 3 أنواع، رد بالتجاهل، ورد بقلة الأدب، ورد بالأدب'.
وأضافت: 'أنا هختار الرد بالأدب، لأني مبحبش قلة الأدب مع إن مفيش أسهل من قلة الأدب، ولأني اللي بقوله وبطبقه على غيري لازم أطبقه على نفسي أولًا'.
وتابعت عز: 'لما تكوني لسة مبتدئة في بداية حياتك المهنية، ولسه يكتبوا اسمك بالقلم الرصاص، حاولي متخوضيش معارك مجانية، متخلقيش لنفسك أعداء بدون داعي وببلاش، مش ذنبي إن الصحفي ملقاش عندك تاريخ أو حاجة مهمة يسألك عنها فسألك عني، بدل ما تكلمي عني، كنت طلبتي بكل احترام وتهذيب إن الناس تسألك عنك إنتي وعن شغلك إنتي'.
وأكملت: 'إنتي بنت ظريفة، حاولي إنك تشتغلي على نفسك أكتر وتعملي أدوار مهمة وتصنعي تاريخ مهم تخلي الصحافة المرة الجاية تسألك عنك مش عني أنا، إحنا مش ملزمين إننا نحب بعض بس مجبورين نحترم بعض، احمدي ربنا إنه وقعك فيا المرة دي، أنا نادرًا لما برد، مرة تانية ممكن تقعي مع حد تاني يستلمك ليل نهار مش هتخلصي منه، وتأكدي إن الإنسان لازم يشتغل بجد عشان يكون مهم، ولما يكون مهم هيسألوه عن نفسه هو مش ناس تانيين'.
تابعوا آخر أهل مصر على Google News
