عفاف شعيب عن خلافها مع أحمد زكي في الحج: قولتله ليه ما قرأتش قرآن.. قالي أنا شيطان

كشفت الفنانة عفاف شعيب، عن سبب خلافها مع الفنان الراحل أحمد زكي خلال الحج.

وقالت الفنانة عفاف شعيب، خلال حوارها مع الإعلامي عمرو الليثي، في برنامج 'واحد من الناس' المذاع على قناة 'الحياة': 'في ناس وقعت بيني وبين أحمد زكي في الحج بعد ما أقنعته يحج علشان ربنا يرضى عليه ويسقط الفريضة، فلقيت في ناس وسوسوا له وقالوا له خليك قاعد في الأوتيل وأنا قلت له لازم تروح مِنى علشان تقرأ قرآن قال لي طيب، وفجأة وإحنا قاعدين بنتعشى لقيته بيصرخ في وشي قال لي مش رايح معاكوا قلت له أنت حر دي مناسك لازم تتم كلها'.

وأضافت عفاف شعيب: 'أتاري في ناس الزبانية قالوا له ياعم سيبك منها خلاص أنت قعدت في عرفة والحج عرفة، وفي نفس الوقت في حد قال لي إنه ما قرأش قرآن في عرفة، فقلت له يا أحمد أنت حتى قعدت في عرفة ما قرأتش قرآن، قال لي أنا شيطان من الشياطين، قلت له إيه الأسلوب ده، وقلت له أوعى تكلمني وروحت أوضتي وقلت خلاص مش هكلمه، وجالي البيت من غير ما يتصل وقال لي بصي أنت جوهرة غير كل الناس وحكالي إني في ناس وقعت بينا وقالي ابعدي عنهم'.