اعلان

باسم سمرة: أنا متسرعتش.. وأحمد السقا عملي أزمة

أهل مصر
باسم سمرة
باسم سمرة

علق الفنان باسم سمرة، على نفي الفنان أحمد السقا تدخله في حذف دوره في فيلم "إبراهيم الأبيض".

تصريحات باسم سمرة في برنامج حبر سري

وقال باسم سمرة خلال لقائه في برنامج "حبر سري" الذي تقدمه الاعلامية أسماء إبراهيم ويعرض عبر قناة "القاهرة والناس": "طبعا المخرج هو رب العمل وبيكون تحت إشرافه، لكن أنا لسه عند موقفي ومتسرعتش، لأنهم عملولي أزمة، أنا كنت بعمل مشاهد محدش يقدر يعملها وخطرة وبسبب الموضوع دا بقيت أفكر كتير أقدمها تاني ولا لأ".

وأضاف: "أنت بتخاطر بحياتك وبنفسك وفي النهاية المشاهد تتشال ومش عارف علشان إيه، كان في استهانة، أنا بحب أحمد السقا ومعنديش مشاكل معاه ويشكر أنه طلع قال أنه ملوش علاقة بحذف المشاهد، أنا فهمت قصده لكن المهم هو والمخرج يكونوا فهموا اللي حصل، الشغل بتاعي اتشال ومتقاليش غير آخر لحظة، كنت رايح أحضر العرض واتصلوا بيا يومها يقولولي المشاهد اتشالت ومش أنا لوحدي في غيري كتير".

باسم سمرة في برنامج واحد من الناس

وكان باسم سمرة قد ظهر مع عمرو الليثي في برنامج "واحد من الناس" وأكد أن أحمد السقا كان وراء استبعاده من فيلم "الجزيرة 2" وتسبب في تهميش دوره بفيلم "إبراهيم الأبيض".

وأوضح أن شخصيته في فيلم "الجزيرة" تعرضت للقتل حتى لا يظهر في الجزء الثاني، قائلا: "الجزيرة كان هيبقى في جزء تاني، وأنا لو موجود كان كلهم هيقعدوا في البيت، أشطر واحد أنا".

باسم سمرة

أحمد السقا

وبعدها أكد الإعلامي عمرو الليثي أنه تلقى مكالمة هاتفية من الفنان أحمد السقا، ينفي فيها ما ذكره الفنان باسم سمرة عنه، وقال: "هو مطلبش حق الرد لكن قال بحكم إنت أخويا الكبير أنا بنفي لك إني شلت أو تدخلت في حذف أي مشاهد سواء من فيلم الجزيرة أو إبراهيم الأبيض، واحلف لك على المصحف".

أحمد السقا

إقرأ أيضاً