ياسمين عز: الرجل المصري عملة نادرة لا تقدر بثمن (فيديو)

كشفت الإعلامية ياسمين عز عن مفاجأة الموسم الجديد في برنامجها، كما وجهت نصيحه للسيدات، وكشفت ياسمين عز، عبر برنامجها 'كلام الناس' المذاع على قناة إم بي سي مصر، الخميس، عن تفاصيل حلقاتها في الموسم القادم، قائلة: 'هعمل مطبخ في الاستديو عشان أعلم الستات تعمل أكل لـ رجالتها وتغذيهم، الرجل المصري عملة نادرة لا تقدر بثمن'، مضيفة: 'هعمل تسريحة أعلم الستات إزاى تتزين وتبقى وشها حلو ومورد'.

تصريحات ياسمين عز

مضيفة: 'بدخل أشوف مين بيدافع عني، ولا مين بيأكل بسنونه اللي يقرب مني، تلاقيه دكتور، رئيس قسم، دكتور في جامعة، باحث وخبير، بتاع السوبر ماركت، كابتن الجيم، اللي بيدرس، كله، من أصغر حد لأكبر حد'.

وتابعت 'شفتي الرجل المصري؟ ده جوزك وأخوكي وأبوكي اللي بيدافع عني، وأنا واحدة ميعرفهاش ولا تربطه بها صلة دم ولا قرابة ولا شافها إلا من خلال شاشة التليفزيون، تخيلي النخوة والشهامة، ده الرجل المصري، جوزك'.

الرجل المصري العظيم

واستكملت ياسمين عز حديثها 'الرجل يتشال على الرموش والأهداب، فوق العيون وجوا العيون'، موضحة أن الرجال هم من دافعوا عنها بعد شائعات وقف برنامجها.

وأردفت: 'جوزك دافع عن الغريبة بكل ما أوتي من قوة من مجرد إشاعة هدامة، ما بالك بأنتي مراته، لو حد قرب لك يأكله كده بسنانه، يقرقشه، إفرحي بجوزك الرجل المصري العظيم، أفرحوا برجالتكم، اسعدوا رجالتكم، رجالتكم عملة نادرة في الزمن'.

وتابعت: 'رجالتكم عملة نادرة في الزمن ده، الرجل المصري والنخوة والاحترام والتقدير اللي عنده والله ما يتقدرش بكنوز'.

وكانت قد وجهت ياسمين عز خلال حلقتها في يوم الأحد الماضي رسالة لـ لاعب كرة القدم البرتغالي كريستيانو رونالد، اذ قالت خلال برنامجها كلام الناس: رسالتي بقى المرة دي لكريستيانو رونالدو أنا عارفة إنه بيتابع البرنامج وبيحبنا وبيحب البرنامج والنبي يا شيخ لو ليا خاطر عندك أجبر بخاطر البنت المسكينة دي 'جورجينا' واتجوزها.. وأديك شوفتها في آخر ماتش، شيلاك، في عينها صاينة عيالك ومحافظة عليها.

وتابعت: 'وبعدين عمرها ما اشتكت رغم إنك ممرمطها وراك كعب داير من مدريد لإيطاليا ومن أولد ترافورد للمدينة التعليمية بالدوحة، ويا عالم بعد كده هتروح فين وتاخدها معاك الست ما بتقولش لأ من هنا لهنا حاضر.. اتجوزها ربنا يجبر بخاطرك.. اتمني ربنا يهديك وتراجع نفسك في موضوع الجواز ده ونشوفكم إن شاء الله في الكوشة السنة الجاية، ومعاكم ولاد تانين ونفرح بيكم بإذن الله'.