تحدث الفنان أشرف زكي، نقيب المهن التمثيلية، عن فترة انفصاله عن زوجته الفنانة روجينا، نافيا ما تردد حول أنه كان هناك تراشق بالألفاظ وقضايا بينهما.
أشرف زكي: لا أحترم شخص كان على علاقة بواحدة أن ينال منها
وقال نقيب المهن التمثيلية، الفنان أشرف زكي، خلال حواره مع الإعلامية أسما إبراهيم في برنامج 'حبر سري' المذاع على قناة القاهرة والناس: 'كان هناك احترام متبادل وصمت متبادل وهذا ما جعلنا لم نكمل شهور ورجعنا لبعضنا'.
وأضاف أشرف زكي: ' أنا لا أحترم شخص كان مرتبط بواحدة وبعد ما انفصلوا ينال منها أو يتكلم عنها.. كان عندنا دكتور أستاذنا في المعهد الدكتور سناء شافع الله يرحمه كان يقولنا الفارس النبيل لما يكون مرتبط بواحدة ويسيبها لما يلقيها يجري ويقابلها أحسن مقابلة ده الفارس النبيل'.
وتابع نقيب المهن التمثيلية: 'أنا لا أحترم شخص كان على علاقة بواحدة أيا ما كانت العلاقة كانت خطيبته أو مراته أو بيحبوا بعض ثم محصلش نصيب ينال منها أو يتكلم عنها أو يسمح لنفسه أو لآخرين أنا لا أحترم'.
أشرف زكي: المسرح مات وكفنه الزمن
وبشأن لجوء الفنانين للعمل في المسرح خارج مصر، علق الفنان أشرف زكي قائلا: ' لجئوا للمسرح خارج مصر لأنه مفيش مسرح في مصر مش عشان فلوسه حلوة .. احنا جاهزين نشتغل في مصر ومش عاوزين فلوس المسرح'.
وأكمل: 'أنا آخر مسرحية أخرجتها على مسرح الدولة كانت سنة ٨٩ أو ٩٠أنا واخد جائزة الدولة في الإخراج ولكن في القطاع الخاص أخرجت كتير.. الفنانين جاهزين يشتغلوا بأجور عادية ومش عاوزين فلوس بس نشتغل فين قوليلي على مسرح.. لا يوجد في مصر مسرح باستثناء لمبة أو لمبتين هما اللي منورين'.
وأردف: ' المسرح مات وكفنه الزمن لولا الأستاذ محمد صبحي يقاتل والزميل أشرف عبدالباقي ومحاولة دنيا سمير غانم.. فين المسرح المصري قطاع عام أو خاص ليس في أجندة أحد المسارح مضلمة ومفيش دور عرض'.
وتابع: 'احنا بنحب المسرح عشان فلوس هما بيقدرونا كده لكن احنا عشقنا في المسرح .. الدكتور يحيى الفخراني بيعمل مسرح نمرة واحد بالنسبة له الفلوس؟ ! لأ الراجل بيكسب من التلفزيون قد كده .. لما قدم الملك لير في المسرح القومي سنين وسنين خد إيه كان بياخد ألف جنيه في اليوم.. دمروا المسرح المصري'.
تابعوا آخر أهل مصر على Google News
