شن المطرب والمؤلف أحمد الشبكشي مؤلف أغنية محمد رمضان 'الملك'، هجوما عليه ، لافتاً إلى أنه كان من المتفق بينهما أن يغني برفقته أغنية 'الملك' لكنه تفاجأ في الاستوديو أثناء التسجيل بقوله أنه سيسجلها بصوته فقط.
خلاف محمد رمضان وأحمد الشبكشي
وتابع الشبكشي في تصريح لـ 'أهل مصر': عدى اليوم عادي، بعدها قالي هاخدك معايا فيلم وتعالى نقابل المخرج، وبعدين طلع أصلا الدور ده متصور وخلصان.. وخلاص بقى زهقت ومشيت وبعد سنة ونص اتكلمت عن الموضوع في برنامج فالدنيا بينا باظت'.
وتابع قائلا:'خدت مقص من رمضان علشان محصلش الحاجات اللي جوا دماغي والاتفاقات اللي كانت بينا ومحصلتش.. واتعاونت معاه في أغنيتين كانت 'الملك' وبعدين 'انساي'.
وأضاف أحمد الشبكشي قائلا:'محمد رمضان ممكن ميكونش دلوقتي ليه نفس الوجود والقوة لكن هو جامد بس ملوش نفس قوة الأول، مبقاش حلو زي زمان، شوف 'نمبر وان' و'مافيا' قعد فترة يعمل أغاني كلها حلوة وبعدين فجاة مفيش الدنيا اختلفت'.
وعن الصلح بينهما تحدث قائلا:'متصالحناش لحد دلوقتي، معنديش سبب واضح بس متكلمناش تاني، لو كلمني وقالي نتصالح عادي نتصالح، ولازم هو اللي يبدأ عشان هو اللي مزعلني، مينفعش أنا اللي أروحله، ولو اي حد حواليه قالي تعالي ونقعد عادي تمام'.
تابعوا آخر أهل مصر على Google News
