قال المطرب أحمد شيبة، إن حسن الأسمر أحسن مطرب شعبي دخل مجال التمثيل، مشيرا إلى أنه يعمل حاليا في فيلم مع نجوم الطرب الشعبي محمود الليثي وسعد الصغير وأمينة، وأيضا النجوم علاء مرسى وحجاج عبد العظيم.
أحمد شيبة: خلقي ضيق
وأوضح أحمد شيبة، خلال حواره مع الإعلامية أسما إبراهيم في برنامج 'حبر سري'، المذاع على قناة القاهرة والناس، حقيقة اعتداءه على الجمهور خلال غنائه في الأفراح، قائلا: 'مش بعمل خناقات في الأفراح ولكن أنا خلقي ضيق شوية بسبب أني بتشد من الجمهور بس أنا بحترم جمهوري'.
وأضاف أحمد شيبة: 'أحيانا بطلع أغني في أفراح بيبقى ربنا فقط اللي عالم بحالي وبتقابلني حاجات بستحمل فوق طاقتي'، مؤكدا أنه لا يرفع سعره للغناء في الحفلات والأفراح من أجل العمل بشكل متزايد وقال: 'الناس تعبانة ولو أنا عليت أجري والناس ممعهاش هقعد في البيت'.
أحمد شيبة: أخويا اتخطف مني
وأكد أحمد شيبة، عدم صحة ما أشيع عنه من دفن شقيقه ثم نزوله للغناء في أفراح، قائلا: 'اللي يقول عليا كده بعد وفاة أخويا حسبي الله ونعم الوكيل فيه، وأنا قعدت أسبوعين وبعدين رجعت الشغل عشان مصاريفي والناس اللي معايا وأبناء أخويا شغالين معايا'.
وبكى خلال حديثه عن شقيقه الراحل قائلا: 'ربنا يعلم بيا وأخويا اتخطف مني وهو كان الكبير وعياله موجودين وكان نفسي اعمل معاه كل حاجة وكنت لسه مكلمه قبل وفاته'.
واختتم: 'أخويا مكنش تعبان ولا حاجة خالص وكنا عايشين مع بعض وقبل وفاته وديته المستشفى ومات ومقولش ليا في المستشفى إلا بعد ما مات بساعة، وكنت مش عارف وقتها أقول لأمي أزاي لأنها مريضة والاخ ميتعوضش'.
تابعوا آخر أهل مصر على Google News
