أزمة شيرين وحسام حبيب في لبنان.. من مخيم فضل شاكر لغرفة التحقيقات (فيديو)

كشفت الصحفية اللبنانية هنادي عيسى، تفاصيل جديدة عن أزمة الفنانة شيرين عبد الوهاب وحسام حبيب في بيروت، بعد زيارتهما للفنان فضل شاكر، وانتشار أنباء عن القبض عليهما والتحقيق معهما.

أزمة شيرين عبد الوهاب في لبنان

وأوضحت 'هنادي' في مداخلة هاتفية ببرنامج 'صالة التحرير' على قناة صدى البلد: 'الصحافي اللي راح مع شيرين وحسام حبيب لفضل شاكر شغال في نفس الموقع اللي أنا شغالة فيه وهو موقع صوت بيروت فمعلوماتي صحيحة ومقدرش أقول اسمه عشان الأمن وعندي معلومات كاملة'.

وأضافت: 'أول حاجة فضل شاكر ناس بتزوره كتير من غير ما تنشر في الإعلام في المخيم الموجود فيه وهو ممنوع يخرج من المخيم عشان مطلوب للأمن، مع العلم أن فيه كتير دعاوي قضائية سقطت عنه وطلع منها براءة بتهمة الإرهاب ومحاربة الجيش اللبناني.. لكن فيه بعض الدعاوى قائمة زي تهديد بعض الشخصيات الدينية والسياسية زي تهديده حزب الله ورئيس مجلس النواب نبيه بري وعدد من الشخصيات الاخرى ورافعين عليه قضايا'.

زيارة فضل شاكر

وتابعت الصحفية اللبنانية هنادي عيسى: 'الدعاوي مطلوب أنه يسلم نفسه عشان يتحاكم ويطلع برائة أو لا، لكن هو خايف يسلم نفسه عشان كان فيه جهة سياسية دعماه لكنها أتخلت عنه، وممنوع الخروج من المخيم ممكن يخرج متنكر عشان محدش يعرفه، لأنه هو سجل ألبومه ونزله مع روتانا ومش عارفين نزله فين'.

وأكملت: 'لما شيرين تزوره مرحتش لوحدها راحت ومعاها المنتج ومتعهد الحفلات يوسف حرب والشاعر أحمد ماضي حبيب قلب فضل شاكر، والصحفي بتاع صوت بيروت، وخدوا تصريحات أمنية بالزيارة، وممنوع أي حد لبناني يدخل مخيم فلسطيني من غير ما ياخد تصريح أمني من الجيش اللبناني لأنه واقف على حدود المخيم'.

وواصلت هنادي: 'قدموا التصريح ودخلو ولما نزل الفيديو الخاص بشيرين مع فضل شاكر، فيه جهة سياسية بتكره فضل شاكر عملوا هجمة قوية على السوشيال وهم العونيين التيار الوطني الحر، وعملوا على التليفزيون تقرير طويل عريض عن أن ازاي شيرين راحت لواحد إرهابي؟ وازاي قدرت تدخل والدولة مش عارفة تجيبه ؟'.

التحقيق مع شيرين وحسام حبيب

وأضافت: 'فيه قاضي محسوب على الجهة السياسية يدعى فادي، بعت لشيرين وحسام وراحوا النيابة وأخدت إفادتهم، ومقبضوش عليهم زي م أنتشر لكن بعتولهم وراحوا برضاهم، لأن فيه حاجات اتكتب أن الأمن نزل على الفندق وخدهم غصب عنهم، لم يحصل ذلك، واستدعوهم في النيابة العامة بلبنان'.

وأردفت هنادي عيسى:'شيرين راحت هي وحسام ومعاهم أصدقاء ومحامي، وسألهم القاضي فادي إزاي دخلته وأظهروا ليه التصريح الأمني اللي دخلوا بيه وسابوهم خلاص، وشيرين رجعت لمصر بعد الواقعة، لكن اليوم اتسرب الخبر لان أمبارح كان أجازة مكنش حد عارف لسه حاجة'.