ميسرة: ممكن أتجوز راجل متجوز لو حبيته واقتنعت بيه (فيديو)

كشفت الفنانة ميسرة عن سبب عدم زواجها حتى الآن، موضحة أن معظم الرجال الذين قابلتهم يعانون من انفصام في الشخصية.

وقالت الفنانة ميسرة، خلال استضافتها في برنامج 'نص الكلام' تقديم الإعلامية راغدة شلهوب المذاع على قناة الحياة: 'أنا ما اتجوزتش لحد دلوقتِ علشان معظم الرجالة عندهم انفصام في الشخصية، يعني يقبلوا على نفسهم ما لا يقبلوه لزوجاتهم، وأنا بحب الطبيعية في التصرفات يعني لو عايز تهزر معايا تهزر قدام مراتك بدون خوف من مراتك'.

وأضافت ميسرة: 'أنا ما بحبش الراجل يبقى قدام مراته حاجة وبرة حاجة تانية، أنا بحب الراجل يبقى بطبيعته والراجل اللي بيخالف القاعدة دي أنا بتجنبه'.

ميسرة: ممكن أتجوز واحد متجوز

وتابعت: 'أنا ممكن أتجوز واحد متجوز لو حبيته واقتنعت به واتأكدت إن زوجته مقصرة معاه، ولازم أسأل مراته وآخد موافقتها لأني مش هتجوز من وراها'.

وأوضحت: 'ممكن أتجوز راجل متجوز لما أعرف إن مراته عندها مشاغل في حياتها مش قادرة تملا حياته بما يكفيه أو يكون تفكيرها وحياتها وصلت لمرحلة التشبع مع الراجل والاكتفاء بولادها'.

آخر أعمال ميسرة

يذكر أن آخر أعمال الفنانة ميسرة في التلفزيون مسلسل 'أحلام سعيدة 'بطولة يسرا، شيماء سيف، مي كساب، وعرض المسلسل في الماراثون الرمضاني لـعام 2022، كما شاركت في بطولة عدد كبير من الأفلام الفنية أبرزها، 'حب رايح جاي، محمد حسين، سرايا حمدين، عزمي وأشجان، الجيل الرابع، حواري بوخاريست'.