مجدي شطة يهاجم حمو بيكا: أنت مش نمبر وان

تحدث المغني مجدي شطة عن خلافه مع المغني حمو بيكا، خلال لقائه مع الإعلامي عمرو الليثي ببرنامجه المذاع على قناة النهار.

وقال مجدي شطة:"أنت ربنا مديك الله يزيدك من نعيم الله بس في مكانك في حتتك، إحنا حتتنا مفيهاش نمبر وان، المشكلة مع حمو كانت بسبب عدم قلة تقدير منه، حمو بيكا في مرة خد الترند وطلع في فيديو لايف وقال أنا خدت الترند، وزعلني أكتر أنه بيقول لعمرو دياب أنزل علشان أطلع مكانك، لا مفيش الكلام ده، أنا من ساعة ما أتولدت بسمعه بيغني مينفعش يقول كدا".

خلاف مجدي شطة وحمو بيكا

وتابع مجدي شطة عن أسباب الخلاف أيضا قائلا:'حمو قال في مرة أنا عامل حافلة وجايب فيها فلان وفلان وجه عند اسمي أنا وحد بيمليه يقول أسم مجدي شطة وحسن شاكوش، وهو يقوله أقول مين؟، يعني أحنا مش في الحسبان'.

وأضاف: 'حمو قال أنه بيوزع التذاكر بإيده لحفلته فأهل منطقتي قالولي إن حمو بيكا قال أنك جاي في الحفلة فاهل منطقتي في حي شعبي المطرية رايحين وجايين يقولولي فين التذاكر مش هنروح معاك؟، فسخنوني وكلمت حمو بيكا عشان يبعت تذاكر..ادي القصة.. وبسبب ده عملت كليب انتظروني مش جاي'.

مجدي شطة

يشار إلى أن مجدي شطة قال في تصريحات إعلامية سابقة، أنه يحلم بالانضمام إلى عضوية نقابة المهن الموسيقية، إذ يُعد ذلك بمثابة حلم كبير ومؤجل، ويطمح لتحقيقه خلال الفترة المُقبلة، قائلًا: 'أنا مش أقل من اللي قدّموا قبل كده.. ده حلمي ومش هسيبه'.

وأوضح 'شطة' في حديثه، إنه ليس لديه مؤهل دراسي، لكنه حاصل على شهادة محو أمية منذ عام 2006، ويُجيد القراءة والكتابة، فضلًا عن حصوله على شهادة الخدمة العسكرية خلال الأيام القليلة المُقبلة، متابعًا: «أنا مستوفي كل شروط المُشاركة في الاختبارات».

وتابع مجدي شطة قائلا: 'حلمي أنضم إلى شعبة الغناء الشعبي، مش أي شعبة تاني.. أنا مش عبدالحليم حافظ»، لافتًا إلى الهجوم الذي يتعرض له من آنٍ لآخر، بشأن رغبته في الانضمام إلى نقابة الموسيقيين، قائلًا: «اللي قدموا أحسن مني في إيه.. ده أنا بغني وهم مش بيغنوا أصلًا.. بيحقدوا عليّا عشان أنا ناجح بس'.