ياسر جلال يتبرع لصندوق تحيا مصر بمبلغ 3 مليون جنيه

كشف الفنان ياسر جلال

، عن تبرُّعه بمبلغ ثلاثة ملايين جنيه، لصالح صندوق تحيا مصر، اليوم الأربعاء.

ياسر جلال يتبرع لصندوق تحيا مصر

وأوضح ياسر جلال عن تبرعه قائلا: 'المرة ديه بعلن عن الجهة والمبلغ اللي اتبرعت بيه لأني بتمنى أن كلنا نشترك، ونعمل اللي نقدر عليه، وبدعي زملائي النجوم أنهم يتبرعوا باللي يقدروا عليه.. أنا عارف إن فيه منهم عمل الموضوع قبل كده بس لو عملوا ده تاني يبقي شئ عظيم'.

واضاف جلال في حديثه قائلا: ' يعلم ربنا إن السبب اللي خلاني أعمل كده هو الأزمة اللي بتمر بيها مصر دلوقتي أنا راجل لا غاوي شُهرة ولا نجومية أنا بشتغل وبخلص شغلي وبروح أقعد مع مراتي وأولادي'.

وأكمل:'وبعمل ده؛ لأن كلنا شايفين إن البلد بيمر أزمة كبيرة والعالم كله بيمر بأزمة كبيرة، وإن شاء الله الأزمة تعدي لما كلنا نقف جنب بعض'، وحرص على إنهاء حديثه بالدعاء لمصر'.

يشار إلى أن آخر أعمال الفنان ياسر جلال، كان مشاركته في مسلسل الاختيار 3 في سباق مسلسلات رمضان الماضي، وحقق نجاحا كبيرا، وشاركه البطولة أحمد السقا وكريم عبد العزيز وعدد كبير من نجوم الفن.