يستعد المطرب و الملحن عمرو مصطفي لطرح أغنية جديدة 'سلام سلام'، و ذلك من خلال نشره لفيديو ترويجي لبرمو الأغنية على موقع تبادل الصور والفيديوهات الشهير 'انستجرام'، ومن المقرر طرح الأغنية قريبا علي جميع المنصات الموسيقية.
و قال معلقا على منشوره: 'سلام سلام ... very soon
سلام سلام
ويتعاون عمرو مصطفى في أغنية 'سلام سلام' مع كل من الشاعر الغنائي مصطفى ناصر، والموزع الموسيقي تيام، والأغنية من ألحان عمرو مصطفى.
بالإضافة إلى أنه كان أعلن سابقا عبر صفحاته الرسمية على مواقع التواصل الاجتماعي فيديو آخر، مروجًا لأغنيته 'عايشين بالصورة' المقرر طرحها قريبا، أيضا.
أبرز تصريحات عمرو مصطفى الأخيرة
وكان الفنان عمرو مصطفى أدلى بعدد من التصريحات النارية خلال حلوله ضيفًا على برنامج مشاهير الحرة، ومنها:
- بدي الأغنية للمطرب بينزلها 50%.
- محمد منير دا البابا بتاعنا، دا حالة لوحده.
- أشعر بالندم ولن أعطي ألحاني لأي فنان.
- بحب أغاني أحمد سعد شاطر برافو عليه، ولازم يفكر عمل إيه في حياته عشان يتغير.. علاقته بربنا إيه والدته أسرته كدا.
- لما جت لهم الفرصة يحاولوا ينافسوا عمرو مصطفى فقلت عمرو اللي هيطلع وهعلمكم الأدب.
ـ الوسط الفني طلع لهم شوية أطفال علموهم الأدب، اللي مشي وراهم خسر، واللي احترم نفسه وقعد وذاكر هو اللي كسب.
- فنيا أنا أسهل واحد ممكن تتعامل معاه، وأصعب واحد تتعاملي معاه لو حاولت تبقى ذكي
- تريند في رمضان كان رسالة من ربنا أنت يا عمرو اطلع.
- هعمل حفلة واحدة في السنة.
- الناس مبقيتش قادرة تسمع 3 دقايق في الأغاني ويصعب عليا حد يسمع أغنية وفي النص يقفلها.
- ظلمت نفسي إني مغنتش من زمان ومفيش أغنية نزلتها منجحتش.
- كنت بتعاطف جدًا مع زمايلي وقررت مش هتعاطف تاني.
ـ كل الألحان اللي قدمتها ندمان عليها كنت عايز أغنيها لنفسي وبشرة خير كنت عايز أغنيها.
- مش هدي أغاني لحد تاني لو دفعولي مال الدنيا.
-هعمل أغاني لبنات ولـ عمرو مصطفى بس.
- محتاج أسيب تاريخ لولادي وأحفادي تاريخ موسيقي راقي.
آخر أعماله
طرح الفنان عمرو مصطفى أغنية يا دايرة كاملة على يوتيوب وجميع منصات الاستماع في الوطن العربي، بعد نجاح الأغنية عندما طرحها في مشروعه 'message song'.ومشروع 'message song' هو أن تكون الأغنية مدتها دقيقة واحدة وتتضمن رسالة، وذلك مواكبةً مع التطور التكنولوجي، وإن حظيت بإعجاب الجمهور يقرر عمرو مصطفى طرحها كاملةً، وذلك ما حدث مع أغنية يا دايرة أولى أغاني المشروع.
تابعوا آخر أهل مصر على Google News
