كشفت الإعلامية سالي عبد السلام، عن إصابتها للمرة السابعة بمرض الثعلبة أحد أمراض المناعة الذاتية الذي يُصيب فروة الرأس.
ونشرت سالي عبد السلام، مقطع فيديو عبر حسابها بموقع التواصل الاجتماعي 'انستجرام' من داخل عيادة طبية أثناء تلقيها علاج عبارة عن حقن يتم حقنها في فروة الرأس.
سالي عبدالسلام: دخلت الدوامة تاني
وعلقت سالي عبد السلام على الفيديو قائلة: 'دخلت الدوامة دي تاني! مرض الثعلبة وخلل المناعة للمرة السابعة في 5 سنين.. سبحانك يا رب يا دوبك لسه مخلصة علاج وكورتيزون وحاولت أخس تاني وأرجع أعالج شعري من الصيف!! في 5 شهور تعافي بعد ما تتعالج تطلع تاني بالسرعة دي ودي أول مرة تحصل! 3 شهور من الضغط النفسي والعصبي ودي أول حاجة ترجع المرض ده'.
وأضافت: 'حاولت أمثل إني كويسة زي ما على طول بعمل بس جسمي كل مرة بيرفض يمثل معايا، وابتليت في أكتر حاجة كنت بحبها.. سبحانك يا رب.. لما الدكتورة تقولي فيه أطفال وبنات بقت تيجي تاخد الحقن وتقول سالي بتاخدها، بفرح.. وأقول لعلها المنجية من الابتلاء!'.
واختتمت سالي عبد السلام: 'ادعولي مفيش حاجة تستاهل إنك تضغط على نفسك ولا تزعل وتمرض وتموت، إنا لله وإنا إليه راجعون'.
زفاف سالي عبدالسلام
يذكر أن سالي عبد السلام، احتفلت بزفافها في أكتوبر الماضي، في أحد فنادق القاهرة الكبرى وسط حضور نخبة كبيرة من المشاهير والنجوم.
تابعوا آخر أهل مصر على Google News
