تحدث الإعلامي محمد موسى، عن أزمات المطرب سعد الصغير النسائية المتعددة خلال الفترة الأخيرة، ما بين انفصال عن برلنتي عامر وتبادل الاتهامات مع طليقته الراقصة شمس سواء بالخطف والتعدي عليها وإجبارها على توقيع ايصالات أمانة.
سعد الصغير
وأوضح محمد موسى أثناء تقديم برنامج 'خط أحمر' على قناة الحدث اليوم قائلا: 'حريم سعد حطينه في مشاكل كتيره وهو الحقيقة سبب كل ده لأنه عامل حياته على المشاع ولا خايف على صورتك ولا شكلك.. وبعدين يا نجم أنت ماسك فيهم ليه.. متروح واحدة تيجي ميه والناس بيخلصوا من بعض بالمعروف إيه لازمة البلبلة والفضايح دي'.
وقال سعد الصغير على خلفية خلافه مع الراقصة شمس: 'بتقول إني بهددها وخطفتها، أنا راجل أبويا مربيني، ودا كدب لأني لو بهددها بتاخد مني فلوس ليه؟.. ولو قولت للناس قد إيه وقفت جنب شمس هيقولوا عليها قليلة الأصل، وأنا كنت بساعدها ماديًا وببعت لها فلوس'.
يشار إلى أن الراقصة شمس اتهمت سعد الصغير بالتعدي عليها وتهديدها، قائلة: 'لما كنت حامل سعد الصغير بعتلي بلطجية وكان عايز يعملي عملية إجهاض، وكان بيضربني وبيشتمني وجرني من شعري من إسكندرية للقاهرة وسحلني ووقفنا على الطريق الصحراوي، وفضل يضرب فيا لحد ما وشي جاب دم'.
تابعوا آخر أهل مصر على Google News
