أحيا النجم أشرف عبد الباقي ذكري وفاه صديقه وزميله الفنان علاء ولي الدين بكلمات مؤثرة ومعبرة عن طريق نشر منشور من خلال صفحته الرسمية علي موقع التواصل الاجتماعي فيسبوك.
علاء ولي الدين
كريم ومضياف
ومن خلال منشوره أعرب عن حبه وتقديره الشديد للفنان الراحل وحب الناس له, وعن صفاته الحسنة والجميلة مثل الكرم, قائلا: 'ربنا يرحمك ياعلاء، زي النهاردة من عشرين سنة اتوفي علاء ربنا يرحمه ويغفرله يارب وبرغم ان فات عشرين سنة علي وفاته لكنه كان ومازال أقرب صديق ليا، أول مرة أطلع عمرة كان معاه واحنا رايحين الكعبة قاللي بص في الأرض لغاية ما نوصل والكعبة تبقي باينة وأقوللك بص وادعي ويمكن الحكاية دي بقيت أعملها مع أي حد يعمل عمرة لأول مرة وادعي لعلاء'.
وأضاف: 'في حياته كنت بشوف الخير اللي بيعمله مع ناس كتير واتعلم منه بشكل مباشر وغير مباشر، علاقتنا كانت أكتر من اخوات ومن خلاله كنت بشوف باقي أصحابنا لأنه كان كريم جدا ومضياف جدا وفي بيته كنت بحس اني في بيتي وان والدته الله يرحمها زي والدتي اللي اتوفت وأنا في سن صغير وخالد أخوه الله يرحمه ومعتز ربنا يكرمه ويخليه لأولاده زي اخواتي وقت ماكنت أحس اني متضايق اروحله اتكلم معاه وارتاح'.
وأنهي منشوره قائلا: 'ماكانش يعدي يوم إلا لما نتقابل أو نتكلم في التليفون نعرف أخبار بعض، وصادف ان يوم وفاته كان أول يوم عيد الأضحى وبعد ما وقف علي الأضحية اتوفي وكنا علي ميعاد يومها في المسرح لعرض مسرحية لما بابا ينام اللي انتهت بوفاته، ربنا يرحمك يا علاء ويصبر أهلك وأصحابك اللي أكيد مادام عرفوك عمرهم ماهينسوك'.
علاء ولي الدين
علاء ولي الدين ممثل مصري مواليد 11 أغسطس 1963، من مواليد قرية الجندية محافظة المنيا - مركز بني مزار -. كان جده الشيخ سيد ولي الدين ، مؤسس مدرسة في القرية ، بدأها على نفقته الخاصة واستمر لسنوات حتى تم تسليمها لآلية الحكومة. أما والده سمير ولي الدين فهو ممثل ومدير عام لملاهي في القاهرة.
علاء ولي الدين
تخرج من ثانوية هليوبوليس العسكرية وحصل على بكالوريوس تجارة من جامعة عين شمس عام 1985. كان له دور ثانوي في فيلم عادل إمام ثم ظهر في عدة أفلام. ساهم في ظهور بعض نجوم عالم الفن المعاصر مثل أحمد حلمي وكريم عبد العزيز ومحمد سعد. ظهرت شخصية 'اللمبي' لأول مرة في فيلم 'الناظر' قبل أن يتم تقديم محمد سعد ويصبح أحد نجوم شباك التذاكر.
تابعوا آخر أهل مصر على Google News
