أحلت الفنانة عزة بهاء اليوم الأربعاء، ضيفة على برنامج 'الستات' الذي يعرض على قناة النهار الذي تقدمه الإعلامية سهير جودة، وتحدثت عن قصة زوجها وخيانة زوجها.
وقالت عزة أثناء اللقاء: 'أنا طبعي مش أحسن حاجة.. ودايما بقدم كتير وفجأة مش بلاقي النتيجة اللي أنا عايزاها، وبختار الشخص على مقاييس معينة وبتكون غلط في الآخر.. واتجوزت 3 مرات، مرة كانت بالعقل ومرة بالقلب'.
وأضافت عزة: 'أول جوازة ليا والدتي مكنتش موافقة عليها عشان كان متجوز قبل كده، وإحساسها كان صح تاني جوازة ليا قعدت معاه 9 سنين وانفصلنا، ويمكن لو كان بينا ولاد كنت كملت، وده كان المنتج عادل صادق، ورفعت قضية عليه وكسبتها لأنه ادعى عليا الزواج العرفي'.
واختتمت حديثها قائلة: 'زوجي التالت بقى اتجوز عليا، واكتشفت خيانته وجوازه يوم دفنته.. وقعد معايا سنتين ومات'.
آخر تصاريحات عزة بهاء
وكشفت الفنانة عزة بهاء مؤخرا، عن تفاصيل عدم ظهورها على الشاشة، في أي أعمال فنية أو درامية، وقالت عزة بهاء وقتها: 'أنا بشتغل بس قليل، والبيت خدني من التمثيل ومبعملش شغل لو مش مبسوطة بيه'.وأضافت عزة بهاء، خلال حوارها برنامج كلام الناس، المذاع على قناة ام بي سي مصر، تقديم الإعلامية ياسمين عز، 'عدم المشاركة في الأعمال كان برغبة مني وليس بأمر من زوجي'.
وأشارت إلى أن الأعمال الفنية التى شاركت فيها توصف بالهدوء، وأن المنتجين حضروها في دور معين، مؤكدة: 'كنت بقول لهم إني أعرف أعمل أي دور، والمخرج هو من يستطيع إخراج كل شئ يمتلكه الفنان.
تابعوا آخر أهل مصر على Google News
