كشفت هند سعيد صالح، ابنة الفنان الراحل سعيد صالح، عن تعرض أحد جيران مقدمة البرامج 'أميرة شنب' لقطع نافذ في الأوتار والأعصاب بسبب عضة من كلبها المفترس.
وكتبت هند سعيد صالح، عبر حسابها الشخصي على موقع التواصل الاجتماعي 'فيسبوك' منشورا، أوضحت خلاله تفاصيل حالة جار أميرة شنب.
كلب أميرة شنب يتسبب في قطع نافذ في أوتار وأعصاب جارها
وجاء في منشور هند سعيد صالح: 'محمد محب الماوى، زوج صديقتى الغالية إيمان عبد المحسن ووالد علي وعاليا .. ولد و بنت زى القمر .. مدير ناجح في بنك عالمى.. حظه انه ساكن تحته المذيعة أميرة شنب اللى بتقدم برنامج أميرة في المطبخ، واللي عندها كلب بيتبول ضخم العضلات اللى من المحظور استيرادهم دوليا دول، وبالرغم أن هو محب للحيوانات فعلا، إلا أن الكلب ده كان دايما يهاجمه في الطالعة والنازلة، وكان بيقول أنه صعبان عليه جدا إنه مش واخد عناية كافية في تحسين السلوك، وإنه بيهاجم كل اللى بيشوفه'.
منشور هند سعيد صالح
وأضافت: 'يوم الأحد اللي فات قرر محب إنه يخبط على باب مدام أميرة عشان يطلب منهم يسيطروا شوية على كلبهم بدل ما هو عمال يهاجمهم كده من ورا السور القصير اللي عادي جدا إنه ينط من فوقيه!! فتحت له الشغالة، وقبل ما يفتح بقه بكلمة واحدة خرج الكلب المفترس ده من وراها، وهجم على محب في مدخل العمارة اللي كان واقف فيه ابنه، وحاول إنه يفدي ابنه، الكلب حرفياً قام بافتراسه بدون مبالغة، عض في الذراع والفخذ وأماكن متفرقه من الجسم نتج عنها قطع نافذ في الأوتار والأعصاب!!! وفجأه المدخل كله بقى دم!!!
وتابعت: طبعا ابنه واقف وشايف ده كله بيحصل لأبوه، بالعناية الإلهية فقط استطاعوا أن يفلتوه من بين أسنانه، وتوجهوا به لمستشفى 'دار الفؤاد' بحكم إنها أقرب مستشفى كبير لهم، بعد الفحوصات أكدوا انه هيحتاج لعملية نقل أعصاب من القدم الي هذا الذراع الذي تم تمزيقه، بعد إجراء الفحص الطبي المطلوب دخل محمد غرفة العمليات، وفور إعطاؤه حقنة التخدير توقف القلب لمدة ٣٠ دقيقة تقريباً!! دخل فى غيبوبة وتم إعطاؤه صدمات للقلب ونقله للرعاية المركزة وتم تأجيل العملية لأجل غير مسمى حتى يعود مرة أخرى للحياة، المحزن أنه لم يعد للوعى حتى الآن!
منشور هند سعيد صالح
يذكر أن أميرة شنب تقدم برنامج 'أميرة في المطبخ' على cbc سفرة، يوميا في الثالثة عصرا.
تابعوا آخر أهل مصر على Google News
