رد عنيف من شذي لحسن شاكوش "طب إنت مستفز ياشكشك لو كلمة مستفز بتعصبك"

أعربت الفنانة شذى عن إستيائها من تصريحات مؤدي المهرجانات حسن شاكوش بخصوصها أمس في برنامج العرافة لبسمة وهبة حيث قالت 'طب إنت مستفز ياشكشك بدل كلمة مستفز بتعصبك ودكتورة بسمة وهبة علشان هي ست شيك قالت شذى زميله عشان تجبر بخاطرك '.

شذى عبر حسابها

الفنانة شذى عبر حسابها الرسمي

وعلقت الفنانة شذى عبر صفحتها الرسمية على موقع التواصل الأجتماعي 'الفيسبوك' تعقيبا على تصريحات حسن شاكوش أمس بشأن تصريح الفنانة شذى بإنه لا يجيد التحدث حيث قالت 'انت لا فنان ولا زميل بالنسبالي خالص' .

وتابعت شذى ' انت مؤدي و بالنسبالي صوتك مزعج انما فنان زميل دي انا اعترض عليها بشده و دي الحقيقه بس علشان دكتوره بسمه مؤدبه و انت ضيفها مقلتلكش الحقيقه ، و اصلا مينفعش تسأل مين دي مش علشان لازم تكون عارفني بيني و بينك اريح لو متعرفنيش وتعمل الشويتين بتوع ااااااه عارف اسمها و مش عارف اغانيها و مال شكلها اتغير كده ليه و جو ٣ ورقات ده .

وأستكملت: ' لان الرد موجود ما انا او محدش فاكرني و لا عرفني مش هيجيبوا كلامي و يعرضهولك يا جاااااهل ، و اصلا اسماء الاغاني اللي انت قولتها دي تتكتب على تكاتك متعملش فيها بيتهوفن والنبي و مش معنى ان في هيصه الفتره دي على اللون ده ان انت واللي زيك صناع المزيكا في مصر ابدا والله انتوا فاضحنا في العالم كله بردائه المزيكا اللي بتقدموها.

وتابعت : ' عموما وعمليا ردك ملهوش دعوه خالص بالسؤال ولا فهمت منك حاجه و مش عيب انك تحضر قبل الحلقه عفوي و على طبيعتك دي لما تكون قاعد على مصطبه او واثق في ردودك الذكيه المنطقيه اللي هي مش موجوده اصلا ف إبقى حضر بعد إذنك علشان بدوخ المذيعين معاك ، ملحوظه الجاكت اللي كنت لابسه حريمي يا فنان ' .

بداية خلاف حسن شاكوش وشذى

وكانت البداية عندما حل مؤدي المهرجانات حسن شاكوش أمس في برنامج بسمة وهبة 'العرافة' وسألته عن الفنانة شذى بعدما انتقدته وقالت إنه لا يجيد الحديث، قائلا: 'هي بتغني؟! هي دي مغنية؟! بتغني إيه؟! معرفهاش والله العظيم، أنتِ حافظة لها أغاني؟!'.

وتابع شاكوش: «ربنا يتولاها، أنا مش مستفز زي ما هي بتقول، أنا بتكلم بطبيعتي، لكن أنا مبغلطش، ومش بحب أكون FAKE».