نهى العمروسي توجه رسالة لـ "يوسف الشريف": "شوفلك شغلانة تانية"

تحدثت الفنانة نهى العمروسي على تحريم بعض الفنانين والفنانات للفن بعد اعتزالهم، أو رفض التلامس والقبلات في السياق الدرامي.

نهى العمروسي

حديث نهى العمروسي

وقالت نهى العمروسي خلال لقائها مع الإعلامية أميرة بدر ببرنامجها “Vip” المذاع على شاشة “هي”:بشوف الناس دي مش محترفين، ميفنعش أدخل على ابويا وانا راجعة من السفر مايحضنيش اللي بيمثل دوري ابويا.

ماينفعش اكون قاعدة في البيت بالطرحة، المحجبين مبيقعدوش في البيت كده، ومينفعش واحده بتعمل دور اختي في مشهد محضنهاش مينفعش احنا بنمثل.

واستكملت نهى العمروسي: مشفتش تعليق حنان ترك على اعتزالها بس بعيد عن الشخصنة أنا مش موافقه على المبدأ، انما ممنوع اللمس طب أنتي بتمثلي ليه؟.

تعقيبها على أراء يوسف الشريف.

يوسف الشريف بيرفض التلامس ودة مش محترف

وإستكملت : '' يوسف الشريف بيرفض التلامس، هو حر وانا لازم احترمه بس انا حره أني اقول لا أنه مش محترف وده مش فن، مينفعش انت تحطلي شروط وأنت شايف ان ده حرام متلعبهاش خالص لكن انت راضي انك تشتغل الشغلانه دي تشتغلها بمصداقيه أو تشوف شغلانه تانية''.

وكشفت نهى العمروسي موقف جمعها بالفنانة فاتن حمامة في مسلسل ضمير أبلة حكمت: أنا لبسي كان شيك شوية عن الدور اللي بعمله كنت بعمل مدرسة العاب وهي كانت عايزه لبس ابسط وده في مسلسل ابلة حكمة، وهي محترمة جدا ورايقة وواخده بالها من كل حاجة، والمفروض ان في ناس تبقى واخده بالها من الحاجات دي مش فاتن حمامة أنما هي واخده بالها من كل كبيرة وصغيرة.

علاقتها بالصلاه

وتابعت: '' بدأت أصلي متأخر عشان بعد ما دورت على ربنا ولقيته جوانا، ولما لقيته أقرب حاجة لينا وأحنا مش متخيليين، وهو الحب ومننا وجايين من عنده ورايحين عنده.

وأضافت نهى العمروسي: ''أنا جاتلي فترة وشكيت في كل الأديان، ووصلت في النهاية أن ربنا حب وجمال وخير وعدل وكل حاجة حلوة، وشفته وحسيت بيه في كل الأديان، كل دين رايح لربنا واتجاهه رايح لربنا، والهندوسية مفيهاش نبي وملهاش كتاب''.