وجّه الناقد الفني جمال عبد القادر، نقدا حادا إلى الكاتب إبراهيم عيسى، وذلك عبر حسابه الشخصي على موقع التواصل الاجتماعي فيسبوك.
مسلسل حضرة العمدة
وكتب جمال عبد القادر: 'مفيش حد ابن حلال ومخلص يقنع أ. إبراهيم عيسى بأنه فيه فرق كبير بين اسكريبت حلقة توك شو، قايمة على الحكي واسكريبت مسلسل أو فيلم، لو عنده فكرة أو وجهة نظر حلوة، وعايز يوصلها للناس (ودا حقيقي فعلا) مش لازم يكتبها بنفسه، ممكن يكلف حد تاني يعمل السيناريو والحوار، لأن كتابته بتفسد الفكرة الحلوة اللي عنده'.
وأضاف: 'مفيش رسم شخصيات وكل الشخصيات بتتكلم بلسان إبراهيم عيسى ومنطقه وفكره، مشاهد طويلة عبارة عن مكلمة، وشعارات بدون مبرر.. مجهود ممثلين كبار راح بسبب تواضع النص'.
واختتم الناقد جمال عبد القادر: 'افتكر أول محاولة كتابة فيلم، لما كتب فيلم السادات، وقدمه للراحل أحمد زكي، اللي قال بعد ما قرأ العمل، لإبراهيم عيسى أي حاجة غير إنك تكتب للسيما'.
يشار إلى أن ابراهيم عيسى يعرض له مسلسل حضرة العمدة في شهر رمضان 2023، من تأليفه، ومن بطولة: روبي، أحمد رزق، أحمد بدير، سميحة أيوب، محمود عبد المغني، محمد محمود عبد العزيز، محمود حافظ، وفاء عامر، دينا، بسمة، إخراج عادل أديب.
تابعوا آخر أهل مصر على Google News
