"الحياة صعبة ووحشة".. ميس حمدان تكشف أسباب تخوفها من الإنجاب (فيديو)

كشفت الفنانة ميس حمدان، أسباب تخوفها من خطوة الإنجاب، خاصة بعد تعرضها لأكثر من موقف مؤثر خلال حياتها.

وقالت ميس حمدان خلال لقائها مع برنامج 'vip” الذي تقدمه الإعلامية أميرة بدر على شاشة 'هي': أنا حنينة أوي وبحب الأطفال أوي بس بخاف أبقى ظالمة أو أجيب عيل للغابة اللي عايشين فيها دي، الحياة صعبة ووحشة أوي، فيها إحباطات كتير ومكنتش فاهمة أنها كده، هي دار ابتلاء، إنتي لو مؤمنة بالله وأن في آخره هتعرفي أن الدنيا متاع مش علشان تاخدي فيها اللي إنتي عايزاه، ولكنها مرحلة هنعدي بيها.

واستكملت ميس حمدان حديثها: الحياة صعبة لأننا بنكون عايزين حاجات كتير ومش بناخدها، وفي حاجة من الحاجات اللي كان عندي رغبة كبيرة فيها ولكن دلوقتي بقى عندي حالة من السكينة هي نجاحي في شغلي، ولكن من كام سنة أثر عليا في نفسيتي كتير، وعلاقات حب لا تكمل، والناس بقت صعبة ووحشة، والحيا ة بتخلينا لازم نطلع الوحش اللي جوانا عشان نحمي نفسنا، بقى عندنا حالة من الجشع بشعة ومفيش حد بيحب الخير لحد.

برنامج 'vip' يذاع يوميا خلال شهر رمضان على شاشة قناة 'هي' ومن تقديم الإعلامية أميرة بدر، ويعرض في تمام الساعة السابعة مساءً ويستضيف عددا من نجوم الفن والرياضة.