حمو بيكا: عمر كمال كان بياخد 400 جنيه في الحفلة

أكد مؤدي المهرجانات حمو بيكا، أنه ساهم في صناعة العديد من المطربين كحسن شاكوش وعمر كمال، مشيرا إلى أنه قدم لهم العون في بداية مشوارهم الفني.

وأضاف 'بيكا'؛ خلال لقائه اليوم ببرنامج 'العرافة'، مع الإعلامية بسمة وهبة، أن عمر كمال كان يتقاضي 400 جنيه فقط مقابل الغناء في الحفل، مشيرا إلى أنه أصبح يتقاضى 50 ألف جنيه الآن في الحفل.

مفيش حد أحسن مني

وأكمل بيكا: 'مفيش حد أحسن مني، والناس كلها عارفة مين اللي طلع حسن شاكوش، وأول أغنية عملتهاله جابت 15 مليون، حسن لما اتشهر والغرور أخده مني بقى بيشتغل لوحده، وأنا اللي قفلتله بنت الجيران وأنا اللي فتحتها عشان حصلت مشاكل، وجاب ناس تتوسط'.

واستكمل: 'حسن بيحب السهر ومش بيحب الشغل وأنا مش بسهر، وهو مش مركز في شغله ووقع، وهو مش محبوب ولا مشهور أكتر مني، وروحتله الفرح عشان هو صاحبي ولازم أجامله، وبيقوله كله جاله مجاملة من غير فلوس، أمال هو دفع كل ده في إيه'.