تحدث حمو بيكا خلال حلوله ضيفا مع الأعلامية بسمه وهبة عبر برنامجها 'العرافة'، عن علاقته بأصدقائه وعلى رأسهم 'عمر كمال'، قائلًا: «حظي وحش في أصدقائي وبيستغلوا الطيبة بتاعتي، وأنا بساعدهم وبقف جنبهم وفي الأخر بيبعوني، أنا أهبل أنا اللي استاهل».
رأي حمو بيكا في عمر كمال
وأضاف حمو بيكا: «محدش ساعدني في مشواري الفني، لكن أنا ساعدت كل المتواجدين على ساحة المهرجانات، وأنا ساعدت حسن شاكوش وعمر كمال في مشوارهم الفني، وعمر كمال ده كان بياخد 400 جنيه ودلوقتي بياخد في الأوردر حوالي 40 أو 50 ألف جنيه، وعمر كمال ورب اللي خلقني مش بيعرف يغني وصوته مش حلو».
وتابع حمو بيكا: «الفنان هاني شاكر عندما كان نقيبا للموسيقيين قعدني في البيت سنتين بدون شغل، اللي عمله معايا كان ظلم وإفتراء وتم إيقافي في توقيت سمح فيه لكل مطربي المهرجانات بالعمل، ودعيت على هاني شاكر لأني كنت مظلوم وربنا جابلي حقي، وعدت للعمل مرة أخرى».
تابعوا آخر أهل مصر على Google News
