أحمد العوضي: الدور الصعيدي صعب أنه يتعمل وكان تحدي ليه (فيديو)

أكد الفنان أحمد العوضي، أن مسلسل ضرب نار، كان يمثل تحديا بالنسبة له أن ياسمين وعوضي يمكنهما عمل مسلسل قوي ومختلف.

أحمد العوضي: ضرب نار كان تحديا لي

وقال الفنان أحمد العوضي، خلال مداخلة هاتفية عبر فضائية 'إكسترا نيوز': 'ياسمين عبدالعزيز متعودة في مسلسلاتها دائما أنها تنافس المراكز الأولى'، لافتا: 'السنة اللي فاتت عملنا مسلسل مع بعض وكنا مكسرين الدنيا'.

وأضاف الفنان أحمد العوضي: 'في المسلسل ياسمين بتعمل بنت من شبرا وأنا عامل راجل من الصعيد وبيتقابلوا وسط مشاحنات درامية، بتخليهم يبتعدا عن بعض لظروف خارجة عن إرادتهما عكس فكرة مسلسل اللي مالوش كبير'.

وتابع الفنان أحمد العوضي: 'الدور الصعيدي كان بالنسبة لي تحدي لأن الدور الصعيدي صعب أنه يتعمل، وكان تحدي لأني أعمل شخصية مختلفة عن الخديوي علشان الناس متقولش متكرر'، مؤكدا: 'الأدوار الصعيدية صعبة ومختلفة وياسمين والعوضي شخص وبطل واحد'.